اۋداندا تۇرعىن ءۇي قۇرىلىسىنىڭ قارقىنىن ەسكەرە وتىرىپ، وقۋشى ورىندارىنىڭ تاپشىلىعىن قوسىمشا تومەندەتۋ ماقساتىندا 6 جاڭا مەكتەپتى، ونىڭ ىشىندە «جايلى مەكتەپ» ۇلتتىق جوباسى شەڭبەرىندە 7900 ورىندىق 5 مەكتەپتى جوبالاۋ جانە سالۋ جۇمىستارى جۇرگىزىلۋدە، دەپ حابارلايدى almaty-akshamy.kz
قۇرىلىس-مونتاجداۋ جۇمىستارى وسى جىلدىڭ قىركۇيەك ايىندا باستالادى، 2024 جىلدىڭ ەكىنشى جارتىسىندا اياقتالادى.
سونىمەن قاتار وسى جىلدىڭ شىلدە ايىندا كونكۋرستىق پروسەدۋرالار وتكىزىلگەننەن كەيىن شۇعىلا شاعىناۋدانىنداعى №174 مەكتەپكە 375 ورىندىق قوسىمشا قۇرىلىستى باستاۋدى جوسپارلاپ وتىرمىز.
بۇعان قوسا بالالارىمىزدى قوسىمشا بىلىممەن قامتاماسىز ەتۋ ءۇشىن كوپسالالى يننوۆاسيالىق شىعارماشىلىق ورتالىقتىڭ (وقۋشىلار سارايى. بۇگىنگى كۇنى عيماراتتى ودان ءارى پايدالانۋعا بەرۋ ءۇشىن ءبىلىم باسقارماسىنا قابىلداۋ-بەرۋ اكتىسىنە قول قويۋ جۇمىستارى جۇرگىزىلۋدە) قۇرىلىسى اياقتالدى. بۇل 5 مىڭنان استام بالانى قوسىمشا بىلىممەن قامتۋعا مۇمكىندىك بەرەدى.