2021 جىلدىڭ ءبىرىنشى جارتىجىلدىعىمەن سالىستىرعاندا ەلەكتروندى قىزمەتتەردىڭ ۇلەسى 1،9% ءوستى
2022 جىلدىڭ التى ايىندا مەملەكەتتىك بيۋدجەتكە سالىق تۇسىمدەرى بويىنشا جوسپار 7،15 ترلن تەڭگە تۇسىممەن 106،4% ورىندالدى. بۇل تۋرالى قارجى مينيسترلىگى مەملەكەتتىك كىرىستەر كوميتەتى مالىمدەدى، دەپ حابارلايدى Almaty-akshamy.kz.
«بىلتىرعى سايكەس كەزەڭمەن سالىستىرعاندا مەملەكەتتىك بيۋدجەتكە سالىق تۇسىمدەرى 2،3 ترلن تەڭگەگە نەمەسە 1،5 ەسەگە ءوستى. كورسەتىلگەن مەرزىمدە بيۋدجەتكە 567،2 ملرد تەڭگە سوماسىندا قوسىمشا رەزەرۆتەر قاراستىرىلعان»،- دەدى قارجى مينيسترلىگىنىڭ مەملەكەتتىك كىرىستەر كوميتەتى.
سونىمەن قاتار كامەرالدىق باقىلاۋ مەن سالىقتىق تەكسەرۋدىڭ تيىمدىلىگىن 162،7 ملرد تەڭگەگە ارتتىرۋ تۋرالى ايتىلدى.
التى ايدا مەملەكەتتىك كىرىستەر ورگاندارىنان بارلىعى 9،9 ملن سالىق جانە كەدەن قىزمەتى كورسەتىلسە، ونىڭ 99%-ى ەلەكتروندى تۇردە بەرىلدى.
2021 جىلدىڭ ءبىرىنشى جارتىجىلدىعىمەن سالىستىرعاندا ەلەكتروندى قىزمەتتەردىڭ ۇلەسى 1،9% ءوستى. سونىمەن قاتار مەملەكەتتىك كىرىستەر ورگاندارىنىڭ بايلانىس ورتالىعىنا كەڭەس الۋ ءۇشىن جۇگىنگەن ازاماتتاردىڭ 97%-ى وپەراتورلاردىڭ جۇمىسىنا وڭ باعا بەردى.