الەمدىك نارىقتا مۇناي قۇنى $128،8 جەتتى.
Azeri Light ماركالى ءازىربايجان مۇنايىنىڭ ءبىر باررەلىنىڭ باعاسى الەمدىك نارىقتا $3،5 نەمەسە 2،79%-عا ءوسىپ، $128،8 جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءازىربايجان مەملەكەتتىك بيۋدجەتىندە بيىلعى مۇناي باعاسى $85 دەڭگەيىندە بەكىتىلگەن ەدى. بۇعان دەيىن Azeri Light مۇنايىنىڭ ەڭ تومەنگى باعاسى 2020 جىلى 21 ساۋىردە ($15،81)، ال ەڭ جوعارى باعاسى – 2008 جىلى شىلدەدە ($149،66) تىركەلگەن بولاتىن. مۇناي باعاسى جۇما كۇنى وپەك+ وتىرىسىنىڭ قورىتىندىسى قارساڭىندا كۇرت تومەندەگەننەن كەيىن جانە اقش ەكونوميكاسى ءوسۋىنىڭ باياۋلاۋىنا بايلانىستى قاۋىپتەن كەيىن وسە باستادى. لوندونداعى ICE Futures بيرجاسىندا Brent ماركالى مۇنايدىڭ قىركۇيەك ايىنداعى فيۋچەرستەرى $2،61-عا (2،39%)، باررەلى $111،63 قىمباتتادى.
نيۋ-يورك تاۋار بيرجاسىنىڭ (NYMEX) ەلەكتروندىق سەسسياسىندا تامىز ايىندا WTI فيۋچەرسىنىڭ قۇنى 1 شىلدە قورىتىندىسى بويىنشا $2،34-عا (2،21%) - ءبىر باررەلى $108،10 دەيىن ءوستى. ءبىرىنشى جارتىجىلدىقتا Brent 48%-عا، WTI-41%-عا قىمباتتادى.