ادام ءومىرى ءۇشىن 30 جىل اسا كوپ ۋاقىت ەمەس. دۇنيەنىڭ زاڭدىلىعىن ەندى ءتۇسىنىپ، تاجىريبەسى مەن كورگەن-بىلگەنىنەن ساباق الىپ، ىشكى دۇنيەسىنە ءۇڭىلۋ ارقىلى ناعىز ۇلكەن ومىرگە العاشقى قادامدارىڭ جاسالار ۋاقىتى. ءدال وسى كەزەڭدە ادام جامان مەن جاقسىنى اجىراتىپ، جاڭا دەڭگەيگە تالپىنادى. وسى ماقساتتا قانداي ەڭبەك پەن تەر توگىلەتىنىن ايتساڭىزشى!
ال مەملەكەت ءۇشىن بۇكىل الەم مەن تاريح بولىنىسىندە 30 جىل دەگەن نە؟ بۇل قاس قاعىم ۋاقىت. ءالى تالاي دۇنيەنى وزگەرتىپ، قىرۋار ءىس تىندىرۋىمىز كەرەك. ءبىز جول ايرىقتىڭ الدىندا تۇرمىز: بارلىعى تەك ءبىزدىڭ ارەكەتىمىز نەمەسە ارەكەتسىزدىگىمىزگە بايلانىستى. مەن كىنالىلەردى ىزدەپ، شاعىمدانىپ، ءومىر بويى شاعىمدانۋشىنىڭ كۇنىن كەشكىم كەلمەيدى، سوندىقتان بۇگىننەن باستاپ ارەكەت ەتۋدى تاڭدايمىن! مەن وڭ وزگەرىستەر بولارىنا سەنىمدىمىن.