الماتىدا قاراۋسىز قالعان ۋچاسكەلەردە جاڭا دەمالىس ورىندارى پايدا بولدى.
الماتى قالاسىنىڭ تۇركسىب اۋدانىندا قاراسۋ وزەنىنىڭ ارناسىن اباتتاندىرۋ جانە تاشتيتوۆ كوشەسىندە جاڭا دەمالىس ايماعىنىڭ قۇرىلىسى اياقتالدى، دەپ حابارلايدى aqshamnews.kz.
بۇرىن بۇل ۋچاسكە قاراۋسىز قالعان بولاتىن، ەندى «حالىققا قاتىساتىن بيۋدجەت» باعدارلاماسىنىڭ ارقاسىندا جاڭا قوعامدىق كەڭىستىك قۇرىلدى. جوبا بويىنشا سۋ تاسقىنىنىڭ الدىن الۋ ماقساتىندا ەڭىستى نىعايتۋ ءۇشىن گابيون كونسترۋكسيالارىن جايلاستىرۋ، تۇرعىنداردىڭ قاۋىپسىزدىگى ءۇشىن وزەن ارناسى بويىندا قورشاۋلار، كوشە جارىقتاندىرۋ جەلىلەرى جانە ۇزىندىعى 400 مەتر سەرۋەندەۋ ايماعىن ورناتۋ بويىنشا كەشەندى جۇمىستار جۇرگىزىلدى.
تۇرعىنداردىڭ بوس ۋاقىتتارىن جايلى وتكىزۋلەرى ءۇشىن بالالار مەن سپورت الاڭدارى، جاياۋ جۇرگىنشىلەر اللەياسى بويىنداعى ورىندىقتار مەن ۋرنالار جابدىقتالدى، گازوندار اۆتوجۋۋ قوندىرعىسىمەن كوگالدار سۋارىلدى.
تاعى ءبىر بوس ۋچاسكە كراسنوگوروسكايا كوشەسىندەگى ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىنىڭ جانىندا ورنالاسقان. ەندى مۇندا ۇزىندىعى 300 مەتر بولاتىن جاڭا سەرۋەندەۋ ايماعى پايدا بولدى، وندا پەرگولالار، ورىندىقتار مەن ۋرنالار ورناتىلىپ، كوشە جارىعى جۇرگىزىلدى. سونداي-اق، اۋماقتا كەشەندى كوگالداندىرۋ جۇرگىزىلىپ، اۆتوماتتى سۋارۋ جۇيەسى ورناتىلدى.
قۇرىلعان نىساندار «حقب» اياسىندا تۇرعىندار قولداعان 52 جوبانىڭ ءبىر بولىگى بولدى. بيىل الماتى اكىمى ەربولات دوسايەۆتىڭ تاپسىرماسى بويىنشا وسى باعدارلاما بويىنشا قارجىلاندىرۋ 2 ملرد. تەڭگەگە دەيىن ۇلعايتىلدى.