قالا باسشىسى ەربولات دوسايەۆ تۇركسىب اۋدانىن ارالاپ، تۇرعىندارمەن كەزدەسۋ بارىسىندا الەۋمەتتىك ورتالىقتىڭ جۇمىسىمەن تانىستى، دەپ حابارلايدى اlmaty-akshamy.kz.
مۇندا اۋداندىق ارداگەرلەر كەڭەسى، مۇگەدەكتەر قوعامى، الماتى قالاسىنىڭ ورتالىقتاندىرىلعان كىتاپحانا جۇيەسىنىڭ فيليالى مەن كۇن سايىن 50 ادامعا دەيىن قامتيتىن از قامتىلعان وتباسىلاردان شىققان بالالارعا قوسىمشا ءبىلىم بەرەتىن "شىڭعا ورلەۋ" الەۋمەتتىك كلۋبى ورنالاسقان. سونداي-اق، عيماراتتا اۋداننىڭ وتباسىن قولداۋ ورتالىعى اشىلادى.
بۇعان دەيىن بۇل ۇيىمدار اۋداننىڭ ءتۇرلى بولىگىندە، ءار ءتۇرلى ساناتتاعى ادامدار ءۇشىن بەيىمدەلمەگەن بولمەلەردە بولعان.
ورتالىق 2017 جىلدان بەرى بوس تۇرعان عيماراتتا ورنالاسقان. كۇردەلى جوندەۋ جۇمىستارى كەزىندە ىرگەتاس پەن قابىرعالارى نىعايتىلىپ، ينجەنەرلىك جەلى جۇيەسى جۇرگىزىلدى. سونىمەن قاتار، اۋماقتى اباتتاندىرۋ جۇمىسى جۇرگىزىلدى.
جاڭا فورماتتاعى الەۋمەتتىك ورتالىق الاتاۋ اۋدانىندا دا جۇمىس ىستەيدى. مەگاپوليس باسشىسى ەربولات دوسايەۆ بەيىندى باسقارمالارعا بۇل تاجىريبەنى بارلىق اۋداندارعا ماسشتابتاۋ ءۇشىن وسىنداي ورتالىقتاردىڭ ۇلگىلىك جوباسىن ازىرلەۋدى تاپسىردى.
