الماتىنىڭ تۇركسىب اۋدانىندا اپات سالدارىنان ءبىرقاتار ۇيلەر گازدان اجىراپ قالدى

تۇركسىب اۋدانىنىڭ «قايرات» شاعىناۋدانىندا گازدىڭ اجىراتىلۋى تۋرالى اقپارات.

 جكو سالدارىنان ىستەن شىققان «قايرات» شاعىناۋدانىنداعى «بايماق» ج ش س جەكە گاز جەلىلەرىنىڭ زاقىمدانۋى بويىنشا جوندەۋ ماسەلەسى جەدەل شەشىلۋدە، دەپ حابارلايدى Almaty-akshamy.kz.

كەشە ساعات 13:30-دا جۇك كولىگىنىڭ جۇرگىزۋشىسى ورتاشا قىسىمدى گاز ماگيسترالىنە سوقتىعىسىپ، اپات سالدارىنان شاعىناۋداننىڭ ءبىرقاتار ۇيلەرىنە گاز بەرۋ توقتاتىلعان بولاتىن.

اپاتتى قالپىنا كەلتىرۋ جۇمىستارى ءۇش ساعاتتان استام ۋاقىتقا سوزىلدى، سودان سوڭ جەلىلەردى ىسكە قوسۋ-جوندەۋ جۇمىستارى باستالدى. الايدا جوندەۋ بريگادالارى گازبەن تۇراقتى جابدىقتاۋدى تولىق كولەمدە قامتاماسىز ەتە المادى.

اۋدان اكىمدىگى مەن «قازترانسگاز ايماق» اق قىزمەتكەرلەرى شاعىناۋدان تۇرعىندارىمەن كەزدەسىپ، ءتۇسىندىرۋ جۇمىستارىن جۇرگىزدى ءارى ۇيلەردى ارالاپ شىقتى.

1: 30-دا 135 ابونەنت گازبەن قامتاماسىز ەتىلدى.

قالعان 52 ابونەنت بويىنشا جەلىلەردە گاز قۇبىرلارىنىڭ بىتەلۋى انىقتالدى، ولاردى جويۋ ءۇشىن نەگىزگى ماگيسترالدى اجىراتۋ قاجەت بولدى (قاۋىپسىزدىك تەحنيكاسىنا سايكەس، تۇنگى ۋاقىتتا دانەكەرلەۋ جانە ىسكە قوسۋ-جوندەۋ جۇمىستارى جۇرگىزىلمەيدى).

شاعىناۋدان تۇرعىندارىنا اپاتتى قالپىنا كەلتىرۋ جۇمىستارى بۇگىن كۇندىزگى ۋاقىتتا دا  جالعاساتىنى تۋرالى تۇسىنىكتەمەلەر بەرىلدى.