الماتىنىڭ قالا قۇرىلىسىن باقىلاۋ باسقارماسى وتكەن جىلى مەگاپوليستىڭ تاۋلى جەرلەرىندە زاڭسىز قۇرىلىستىڭ 54 فاكتىسىن انىقتادى، دەپ حابارلايدى almaty-akshamy.kz
44 وبەكت بويىنشا سوتقا تالاپ ارىزدار بەرىلدى، 31 تالاپ ارىز بويىنشا وڭ شەشىم قابىلداندى، ال قالعاندارى قارالۋدا.
بۇل رەتتە 31-دەن 25 تالاپ زاڭدى كۇشىنە ەندى، 6-دان اپەللياسيالىق ساتىدا سوت تالقىلاۋلارى جۇرگىزىلۋدە.
بۇعان دەيىن اتاپ وتىلگەندەي، 2023 جىلى قۇرىلىس نىساندارىن جوسپاردان تىس 1074 تەكسەرۋ بارىسىندا 1140 بۇزۋشىلىق انىقتالدى.
باسقارما وبەكتىلەردى جوسپاردان تىس تەكسەرۋدى الىنعان وتىنىشتەر نەگىزىندە «ق ر ساۋلەت، قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسى زاڭنىڭ ساقتالۋى تۇرعىسىنان جۇرگىزدى.
ازاماتتاردىڭ سالىنىپ جاتقان وبەكتىلەر بويىنشا تولىق جانە وزەكتى اقپارات الۋى ءۇشىن باسقارما 8-705-896-60-00 ءنومىرى بويىنشا انىقتاما جەلىسىن ىسكە قوستى.