الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسى جىلۋ ماگيسترالىنىڭ قالپىنا كەلتىرىلگەنىن مالىمدەدى، دەپ حابارلايدى Almaty-akshamy.kz.
«الماتىداعى ءشارىپوۆ كوشەسىندە (ءشارىپوۆ پەن گوگول كوشەلەرىنىڭ قيىلىسىنىڭ سولتۇستىگىندە) بولعان جىلۋ تراسساسىنداعى اپاتتىڭ سالدارى جويىلدى. 11 قاراشاعا قاراعان ءتۇنى ساعات 01.50-دە «الماتى جىلۋ جەلىلەرى» ج ش س بريگاداسى ديامەترى 400 مم قۇبىردى قالپىنا كەلتىرۋدى اياقتادى، سىناق جۇرگىزىلگەننەن كەيىن جىلۋ ماگيسترالى پايدالانۋعا بەرىلدى جانە تۇنگى ساعات 2.40-تا جىلۋ بەرۋ قالپىنا كەلتىرىلدى ءارى بەلگىلەنگەن رەجيمدە جۇمىس جاساۋدا»، - دەلىنگەن حابارلامادا.
سونداي-اق، ءشارىپوۆ كوشەسىندەگى كولىك قوزعالىسى قالپىنا كەلتىرىلدى. اسفالتتىڭ جابىندىسىن اۋا رايى قولايلى بولعان جاعدايدا وسى جىلدىڭ 13 قاراشاسىنا دەيىن قالپىنا كەلتىرۋ جوسپارلانۋدا.
كەنەتتەن جاعداي تۋىنداسا (سۋ، بۋ شىعارىندىلارى) +7-727-378-06-65 تەلەفونى بويىنشا «التس» ج ش س اپاتتىق-ديسپەچەرلىك حابارلاسۋدى ءارى ءوز بەتىنشە ارەكەت جاساماۋدى جانە بولعان وقيعا تۋرالى حابارلاۋدى سۇرايمىز.