الماتىنىڭ سەيفۋللين داڭعىلىندا كولىك ءجۇرىسى ۋاقىتشا شەكتەلەدى

قالالىق موبيلدىلىك باسقارماسى تۇرعىنداردى باعىتتى الدىن الا جوسپارلاۋعا شاقىردى.

قالالىق موبيلدىلىك باسقارماسى تۇرعىنداردى باعىتتى الدىن الا جوسپارلاۋعا شاقىردى.

جول جوندەۋ جۇمىستارىنا بايلانىستى 1 قىركۇيەك پەن 3 قىركۇيەك ارالىعىندا سەيفۋللين داڭعىلىنىڭ كەيبىر بولىگى ۋاقىتشا جابىلادى، دەپ حابارلايدى Almaty-akshamy.kz.

«سەيفۋللين داڭعىلىندا جول جوندەۋ جۇمىستارىنىڭ جۇرگىزىلۋىنە بايلانىستى 31 تامىز ساعات 23:00 مەن 1 قىركۇيەك ساعات 7:00 ارالىعىندا ساتبايەۆ كوشەسىنەن قۇرمانعازى كوشەسىنە دەيىنگى بولىگىندە؛ 1 قىركۇيەك ساعات 23:00 مەن 2 قىركۇيەك ساعات 07:00 قۇرمانعازى كوشەسىنەن قابانباي باتىر كوشەسىنە دەيىنگى بولىگىندە؛ سونداي-اق 2 قىركۇيەك ساعات 23:00 مەن 3 قىركۇيەك ساعات 07:00 ارالىعىندا قابانباي باتىر كوشەسىنەن بوگەنباي باتىر كوشەسىنە دەيىنگى بولىگىندە كولىك ءجۇرىسى تولىق شەكتەلەدى»، - دەلىنگەن باسقارمانىڭ حابارلاماسىندا.

بۇل جۇمىستار ورتاشا جول جوندەۋ جۇمىستارى اياسىندا جوسپارلانعان.

الماتى قالالىق موبيلدىلىك باسقارماسى قالا تۇرعىندارىنان قولايسىزدىق ءۇشىن كەشىرىم ءوتىنىپ، جول ءجۇرۋ باعىتىن الدىن الا جوسپارلاۋدى سۇرادى.