الماتى بازارلارىنىڭ اۋماعىنداعى زاڭسىز قۇرىلىس الاڭى- شامامەن 350 شارشى مەتر. بۇل تۋرالى الماتىنىڭ قالا قۇرىلىسىن باقىلاۋ باسقارماسى حابارلادى.
الماتى اكىمىنىڭ تاپسىرماسى بويىنشا جوسپاردان تىس جۇرگىزىلگەن تەكسەرۋلەردىڭ ناتيجەلەرى بازارلاردىڭ مەنشىك يەلەرى قۇرىلىس جۇرگىزۋگە ءتىپتى جەر ۋچاسكەلەرىنە رۇقسات قۇجاتتارىنىڭ جوقتىعىنا قاراماستان، جالپى ساۋدا الاڭىن زاڭسىز ۇلعايتا وتىرىپ، ساۋدا پاۆيلوندارىن تۇرعىزعانىن كورسەتتى.
پايدا تابۋ ءۇشىن مەنشىك يەلەرى پاۆيلونداردى جالعا زاڭسىز بەرگەن ءارى ولاردىڭ زاڭسىز ەكەنىن جاسىرعان.
بۇگىندە جۇمىس ىستەپ تۇرعان 60 بازاردىڭ ىشىنەن 37 بازاردىڭ زاڭسىز ەكەنى انىقتالدى، ولارعا اكىمشىلىك سيپاتتاعى شارالار قابىلداندى.
سونىمەن قاتار، زاڭسىز پاۆيلوندار سالۋ ەسەبىنەن بازارلاردىڭ جالپى ساۋدا الاڭى ەداۋىر ۇلعايعان.
ماسەلەن، ولاردىڭ 7ء-ى بويىنشا ءىشىنارا بۇزۋ تۋرالى سوت شەشىمى بار، ولار مىنا بازارلار:
- «كارىم»، زاڭدى تۇرعىزىلعان ساۋدا وبەكتىلەرىنىڭ جالپى اۋدانى 900 م2 قۇرايدى، بۇل رەتتە زاڭسىز تۇرعىزىلعان وبەكتىنىڭ كولەمى 480 م2 ؛
- «كوتەرمە ساۋدا» بازارى، جالپى اۋدانى 15000 م2 قۇرايدى، ونىڭ ىشىندە زاڭسىز وبەكتىلەر 6000 م2 ، مەملەكەتتىك قوردىڭ جەرلەرىن باسىپ الۋ كولەمى - 638 م2؛
- «ارىستان»، جالپى ساۋدا الاڭى 7 753 م2، زاڭسىز وبەكتىلەر 2143،37 م2؛ مەملەكەتتىك قوردىڭ جەرلەرىن باسىپ الۋ كولەمى - 505 م2 ؛
- «تيگروحاۋد»، جالپى ساۋدا الاڭى-7075 م2، زاڭسىز وبەكتىلەر 3307،4 م2، مەملەكەتتىك قوردىڭ جەرلەرىن باسىپ الۋ كولەمى - 875 م2 ؛
- «ءۇش قوڭىر»، جالپى ساۋدا الاڭى-6200 م2، زاڭسىز وبەكتىلەر 4997 م2، مەملەكەتتىك قوردىڭ جەرلەرىن باسىپ الۋ كولەمى - 1242 م2 ؛
- «سەميرەچەۋ-جەتىسۋ»، جالپى ساۋدا الاڭى - 142 034 م2، زاڭسىز وبەكتىلەر 54 732 م2؛
- «باك وردا»، جالپى ساۋدا الاڭى - 76 530 م2، ونىڭ ىشىندە زاڭسىز وبەكتىلەر 6000 م2.
وسىلايشا، جوعارىدا اتالعان بازارلاردىڭ مەنشىك يەلەرى زاڭسىز پاۆيلوندار ەسەبىنەن جالپى ساۋدا الاڭىن ورتا ەسەپپەن ۇشتەن بىرگە ۇلعايتقان.
قازىرگى ۋاقىتتا «باك وردا» جانە «كوتەرمە ساۋدا» بازارلارى بويىنشا زاڭسىز سالىنعان ساۋدا وبەكتىلەرىن ءسۇرۋ باستالدى. تاعى 30 بازار بويىنشا سوت ورگاندارىنا تالاپ-ارىزدار بەرىلەتىن بولادى.