قازىرگى ۋاقىتتا ۇزىندىعى 15 شاقىرىمنان اساتىن 21 كوشەدە جۇمىستار اياقتالدى.
قالالىق موبيلدىلىك باسقارماسىنىڭ باسشىسى عاني مىرزاحانوۆتىڭ مالىمدەۋىنشە، بيىل دۋمان شاعىن اۋدانىنداعى 30 شاقىرىمنان استام جول كۇردەلى جوندەۋدەن وتەدى، دەپ حابارلايدى Almaty-akshamy.kz
سپيكەردىڭ ايتۋىنشا، بۇل كوشەلەردە جاڭا اسفالت، ارىقتار مەن تروتۋارلار پايدا بولادى. سونىمەن قاتار، الماتىدا قالعان 38 كوشەدە (ۇزىندىعى 15،1 كم) جوندەۋ جۇمىستارىنا دايىندىق ءجۇرىپ جاتىر. جۇمىستاردى اعىمداعى جىلدىڭ قىركۇيەك ايىنىڭ سوڭىنا دەيىن اياقتاۋ جوسپارلانۋدا.
عاني مىرزاحانوۆ الماتىلىق جول سالۋشىلار اسفالت توسەۋدە تەحنولوگيانىڭ ەكى ءتۇرىن – ۇساق تۇيىرشىكتى جانە قيىرشىقتى ماستيكالىق اسفالتتى قولداناتىنىن ايتتى.
قمب باسشىسى قاراشا ايىندا تاۋسامالى شاعىن اۋدانىنداعى قونايەۆ كوشەسىن ياسساۋي كوشەسىنەن رىسقۇلوۆ كوشەسىنە دەيىن (ۇزىندىعى1،2 كم) رەكونسترۋسيالاۋدى اياقتاۋ قاراشاعا جوسپارلانعانىن ايتتى.
«قازىرگى ۋاقىتتا ءۇش جول ايرىعىنىڭ قۇرىلىسى جۇرگىزىلۋدە. بيىل رىسقۇلوۆ داڭعىلى - ەمسوۆ كوشەسىنىڭ قيىلىسىنداعى جول ايرىعىندا كولىك قۇرالدارىنىڭ قوزعالىسىن اشۋ جوسپارلانۋدا، كەلەسى جىلى سەيفۋللين داڭعىلى - جانسۇگىروۆ كوشەسى، بۇقتىرما كوشەسى - قۇلجا تراكتىسىندەگى جولايرىقتارىن ىسكە قوسۋ جوسپارلانۋدا»، - دەپ اتاپ ءوتتى عاني مىرزاحانوۆ.
سپيكەر ءتورت كوشەنى ۇڭگىلەۋ تۋرالى دا ايتتى. جىل سوڭىنا دەيىن اباي داڭعىلى، الاتاۋ كوشەسى مەن اۋەزوۆ كوشەسى بويىندا قۇرىلىس-مونتاج جۇمىستارىن اياقتاپ، كولىكتەر قوزعالىسىن اشۋ جوسپارلانۋدا. 2023 جىلى سايىن كوشەسىندەگى جۇمىستى اياقتاۋ جوسپارلانۋدا.
سونىمەن قاتار، اعىمداعى جىلى الاتاۋ، تۇركسىب جانە ناۋرىزباي اۋداندارىنىڭ سەگىز شاعىن اۋدانىندا (وجەت، شاڭىراق-5، سامعاۋ، العاباس، نۇرشاشقان، المەرەك، قايرات، قۇرامىس شاعىن اۋداندارىندا) جول سالۋ بويىنشا جۇمىستار جۇرگىزىلۋدە، ونىڭ ىشىندە ۇزىندىعى 108 كم بولاتىن 415 كوشەدە. بۇگىنگى كۇنى ۇزىندىعى 35 كم بولاتىن 132 كوشەدە جول قۇرىلىسى اياقتالدى. اعىمداعى جىلدىڭ سوڭىنا دەيىن 75 شاقىرىم جولدى اياقتاۋ جوسپارلانۋدا.
عاني مىرزاحانوۆ باسقارمانىڭ الماتىداعى بارلىق كوشەلەردىڭ، اسىرەسە ماگيسترالدى كوشەلەردىڭ جاعدايىن مۇقيات باقىلاپ وتىراتىنىن اتاپ ءوتتى.
«ءبىز ءار 5 جىل سايىن جول جامىلعىسىن اۋىستىرامىز. كولىك جىلدامدىعى جوعارى ماگيسترالدى كوشەلەر مۇقيات باقىلاۋدا. بۇل جولدار ەرەكشە نازاردى قاجەت ەتەدى. ءبىز جىل سايىن اعىمداعى، ورتاشا نەمەسە كۇردەلى جوندەۋ قاجەتتىلىگىن انىقتايمىز. اعىمداعى جوندەۋ جاعدايىندا كىشىگىرىم كەمشىلىكتەردى جويامىز، جاماۋدى جۇرگىزەمىز، جارىلۋلاردى جوندەيمىز. ورتاشا جوندەۋمەن باستاپقى كۇيىنە جەتكىزەمىز. بۇل كولەمى جونىنەن ەڭ ۇلكەن جوندەۋ»، - دەدى عاني مىرزاحانوۆ.
قمب باسشىسى باعدارشامداردىڭ جاعدايى تۋرالى دا ايتتى. بۇگىندە الماتىدا ولاردىڭ سانى 450. بىلتىر 93ء-ى مودەرنيزاسيالاندى، ال كەلەر جىلى تاعى 300 باعدارشام جاڭاراتىن بولادى.
2021 جىلدىڭ سوڭىنا دەيىن 34 باعدارشام ورناتىلادى، 70 رەتتەلەتىن جاياۋ جۇرگىنشىلەر وتكەلىن جانە 70-كە جۋىق رەتتەلمەيتىندەرىن جارىقتاندىرۋ جوسپارلانۋدا.