قالادا پوليسيا قىزمەتكەرلەرى ءبىرىڭعاي ساپ تۇزەپ ءجۇرىپ ءوتتى.
الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆتىڭ قاتىسۋىمەن پد اۆتوشارۋاشىلىعىندا پاترۋلدىك پوليسيا پولكى مەن جقاج جەكە قۇرامى ءبىرىڭعاي ساپ تۇزەپ ءجۇرىپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
"پاترۋلدىك پوليسيا – قالاداعى ءتارتىپ پەن جول قاۋىپسىزدىگىن قامتاماسىز ەتەتىن نەگىزگى بولىمشەلەردىڭ ءبىرى. قىلمىستاردىڭ كوبىن “ءىزىن سۋىتپاي” تاۋلىك بويى جۇمىس ىستەيتىن وسى قىزمەتتىڭ قىزمەتكەرلەرى اشادى. ساپتىق بايقاۋ بارىسىندا قىزمەتكەرلەردىڭ كيىمدەرىن، كولىكتەردىڭ جاعدايىن، سونداي-اق قالاداعى قۇقىق قورعاۋ قىزمەتىنىڭ ساپاسىنا اسەر ەتەتىن تەحنيكالىق قۇرالداردى تەكسەردىم. سونىمەن قاتار، ينسپەكتورلارعا سىبايلاس جەمقورلىقتىڭ كەز كەلگەن كورىنىستەرىنە قاتىستى ىمىراسىز ۇستانىمدارىن ەسكە سالۋ وتە ماڭىزدى بولدى. ءبىز ولاردان ازاماتتاردىڭ قاۋىپسىزدىگى مەن يگىلىگى ءۇشىن ادال جانە رياسىز ەڭبەك ەتۋدى تالاپ ەتەمىز. مەملەكەت ءمىنسىز جۇمىس ىستەۋگە بارلىق جاعدايدى جاساپ وتىر: بۇگىندە پاترۋلدىك پوليسيا مەن جقاج – جاقسى ماتەريالدىق-تەحنيكالىق جاراقتاندىرىلعان قىزمەتتەر. بۇل ولاردىڭ وقيعالاردان حاباردار بولىپ، قىلمىسقا قارسى تۇرۋىنا مۇمكىندىك بەرەدى"، – دەدى ارىستانعاني زاپپاروۆ.
ءبىرىڭعاي ساپ تۇزەۋ كەزىندە قالاداعى قوعامدىق ءتارتىپتى قورعاۋعا كۇندەلىكتى ارالاساتىن پاترۋلدىك پوليسيا بولىمشەلەرى مەن جقاج قىزمەتكەرلەرى كەزەكشىلىك كۇنىندەگى سوڭعى اقپاراتتى ەستىدى.
"قالاداعى ءتارتىپ پەن ازاماتتاردىڭ اماندىعى پوليسيانىڭ قالاي جۇمىس ىستەيتىنىنە بايلانىستى. ءقازىر ءبىز قىزمەت كورسەتۋ ۇلگىسىنە قايتا باعدارلاندىق جانە بۇل دۇرىس. پوليسيا قىزمەتكەرلەرىنىڭ ازاماتتارمەن تىعىز بايلانىستا بولۋى وتە ماڭىزدى، ۋچاسكەلىك قىزمەتكەرلەر ءوز ايماعىنداعى ءاربىر تۇرعىندى ءبىلىپ، ولاردى ەڭ كوپ مازالاعان نارسەگە قىزىعۋشىلىق تانىتۋى كەرەك. مۇنداي قىزمەت كورسەتۋ فورماتى ءقازىردىڭ وزىندە وڭ ناتيجەسىن بەرۋدە"، – دەدى ارىستانعاني زاپپاروۆ.