كەپتەلىس كەزىندە جەرگىلىكتى تۇرعىن پوليسيا قىزمەتكەرلەرى نۇرلان يسمايلوۆ پەن ادىلەت نەماتوۆتان قۇرالعان مامانداندىرىلعان باتالوننىڭ ەكيپاجىنان كومەك سۇراپ جۇگىنگەن، دەپ حابارلايدى Almaty-akshamy.kz.
– ارىپتەسىم ەكەۋمىز سەيفۋللين داڭعىلىندا قىزمەتتە بولدىق. بىزگە قاسىمىزعا كولىك كەلىپ توقتادى، جۇرگىزۋشى تولعاعى باستالعان جۇكتى ايەلىن الىپ بارا جاتقانىن ايتتى. ولاردى پەرزەنتحاناعا دەيىن جەتكىزۋىن ءوتىندى، – دەدى ادىلەت نەماتوۆ.
ەكى كولىكتەن قۇرالعان كورتەج قالانىڭ باسقا جاعىندا ورنالاسقان №3 پەريناتالدىق ورتالىققا ساناۋلى مينۋتتاردا جەتتى.
– پوليسەيلەردىڭ ارقاسىندا ءبىز بارلىق كەپتەلىستەن ءقاۋىپسىز ءارى جىلدام وتتىك. جارتى ساعاتتان كەيىن ايەلىم بوساندى. بۇل مەنىڭ ءۇشىنشى قىزىم. مەن پوليسيا قىزمەتكەرلەرىنە كومەك كورسەتكەنى ءۇشىن العىس ايتامىن. ايەلىم مەن قىزىم ءقازىر ۇيدە، بىزدە ءبارى جاقسى، – دەدى، رۋستام ەسىمدى الماتىلىق.