قالادا «كونەنىڭ كوزى» كورمەسى وتۋدە
مۇندا ءحىح جانە حح عاسىرداعى قازاقتىڭ زەرگەرلىك اشەكەيلەرى مەن ءداستۇرلى ۇلتتىق كيىمدەرىن كورۋگە بولادى. «كونەنىڭ كوزى» كورمەسىندە كوركەمدىك-تاريحي ماڭىزدىلىعى جوعارى 100-دەن اسا كونە جادىگەر قويىلعان. مۇندا سىرعا، بىلەزىك، ساقينا، شولپى جانە القالاردىڭ ءتۇر-تۇرى بار. ءتىپتى اتى اڭىزعا اينالعان كۇمىس كومەي انشىلەر كۇلاش بايسەيىتوۆا مەن جامال وماروۆانىڭ دا اشەكەيلەرى كورمەنىڭ اجارىن اشا تۇسكەندەي. حالىق ءارتىسى شارا جيەنقۇلوۆاعا كۇيشى دينا نۇرپەيىسوۆا سىيعا بەرگەن قوس بىلەزىك تە وسىندا تۇر، دەپ حابارلايدى Almaty-akshamy.kz 24.kz-كە سىلتەمە جاساپ.
«ءبىزدىڭ قوردا 14 مىڭنان استام اشەكەي بۇيىمدار ساقتالىپ جاتىر. اتاپ ايتقىم كەلەتىنى، وسى مۋزەيدە ارحەولوگيالىق قازبا جۇمىستارىنان تابىلعان بۇيىمدار ساقتاۋلى. كۇلتوبەدەن، وڭتۇستىك قازاقستاننان تابىلعان سىرعا بار. تازا التىننان جاسالعان. سوسىن گراناتپەن اشەكەيلەنگەن. سول سىرعا ءبىزدىڭ كورمەگە ءبىرىنشى رەت قويىلىپ وتىر. بۇل كونە بۇيىمداردىڭ كورمەدە جارقىراپ تۇرۋى – ەڭ ءبىرىنشى كەزەكتە رەستاۆراتورلاردىڭ ەڭبەگى. مۋزەيدىڭ كونسەرۆاسيالاۋ ءبولىمىنىڭ قىزمەتكەرلەرى كونە بۇيىمداردى قالپىنا كەلتىرۋ ءۇشىن بىرنەشە كۇن بويى كوز مايلارىن تاۋىسىپ وتىرىپ جۇمىس ىستەگەندەرىن ايتادى»، - دەدى ق ر ورتالىق مەملەكەتتىك مۋزەيىنىڭ ءبولىم جەتەكشىسى شولپان تۇرسىنبايەۆا.
«بۇلاردى قالپىنا كەلتىرگەن كەزدە، ءارتۇرلى ادىستەردى پايدالانامىز. ەڭ الدىمەن زات قانداي جاعدايدا، قالاي بۇلىنگەنىنە قاراي ونىڭ قالپىنا كەلتىرۋ پروسەسىن پايدالانامىز. تاسى ءتۇسىپ قالعان جەرگە قايتادان تاس سالامىز. سوسىن قارايىپ كەتسە، ونى ارنايى قىشقىلدار بار كۇمىس تازالايتىن، سولارمەن تازالايمىز. ۇيىمداستىرۋشىلار كورمەنىڭ ماقساتى – ۇلتتىق مۇرانى ساقتاۋ، ناسيحاتتاۋ جانە مۋزەي قۇندىلىقتارىن جاڭعىرتۋ ەكەنىن ايتادى»، - دەيدى قالپىنا كەلتىرۋشى رينات سوناربايەۆ.