الماتىنىڭ قالا قۇرىلىسى باسقارماسى اباي داڭعىلى 34 مەكەنجايدا اسپالى قوسىمشا كۇردەلى نىساننىڭ زاڭسىز تۇرعىزىلعانىن حابارلادى.
ناتيجەسىندە باسقارما مەنشىك يەسىنە (جەكە تۇلعاعا) قاتىستى اكىمشىلىك شارالار قابىلدادى جانە ماتەريالداردى سوتقا جولدادى.
2024 جىلعى 16 ساۋىردە اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتتىڭ قاۋلىسىمەن مەنشىك يەسى زاڭسىز تۇرعىزىلعان قۇرىلىستى ءماجبۇرلى تۇردە بۇزدى جانە ق ر اقبتك 319-بابى بويىنشا كىنالى دەپ تانىلدى.
بولشەكتەۋدى مەنشىك يەسى ءبىر كۇن بۇرىن ەرىكتى تۇردە جۇرگىزدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 48 زاڭسىز نىسان، ونىڭ ىشىندە «مەچتا»، KHAN، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلعان ەدى.
