بۇعان دەيىن حابارلانعانداي، الماتى قالاسىنىڭ ورتالىق قالالىق كلينيكالىق اۋرۋحاناسىندا (وقكب) ايتۆ جۇقتىرۋ جاعدايى بويىنشا كوميسسيا جۇمىسىنىڭ قورىتىندىسى شىعارىلدى، دەپ حابارلايدى almaty-akshamy.kz
ەپيدەميولوگيالىق احۋالدىڭ جوسپارلى مونيتورينگى بارىسىندا الماتى قالاسىنىڭ جيتس ورتالىعى وسى اۋرۋحانادا ەمدەلگەن ايتۆ-نىڭ وڭ ناتيجەسى بار 3 پاسيەنتتى انىقتادى. بۇل جاعدايلار ۋاقتىلى انىقتالدى جانە ينفەكسيانىڭ ودان ءارى تارالۋىنا جول بەرىلمەدى، بۇل ايتۆ-ينفەكسياسىن ەپيدەميولوگيالىق قاداعالاۋدىڭ رەتتەلگەن جانە جۇمىس ىستەيتىن جۇيەسىن كورسەتەدى.
"وقكا-داعى جاعداي كورسەتكەندەي، بۇل پاسيەنتتەردى ۋاقتىلى تەستىلەۋ جانە رەگلامەنتتەردى ساقتاۋ وسى جاعدايدى وقشاۋلاۋ بويىنشا ءىس-شارالار كەشەنىن جۇرگىزۋگە مۇمكىندىك بەردى. تاعى دا قايتالايمىن جانە سىزدەردىڭ نازارلارىڭىزعا قالانىڭ مەديسينالىق مەكەمەلەرىندەگى ينفەكسيالىق قاۋىپسىزدىك تۇراقتى باقىلاۋدا جانە قالا تۇرعىندارىنا مەديسينالىق كومەك كورسەتۋ كەزىندە جۇيەلى قاۋىپ-قاتەر جوق ەكەنىنە نازار اۋدارامىن"، - دەپ اتاپ ءوتتى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى شامەتەكوۆ يران مارات ۇلى.
مەديسينالىق ۇيىمداردا پاسيەنتتەردىڭ بارلىق ساناتتارى بويىنشا زاڭنامادا بەلگىلەنگەن سانيتاريالىق-ەپيدەميولوگيالىق قاۋىپسىزدىككە قويىلاتىن تالاپتارعا سايكەستىگىنە ىشكى وندىرىستىك باقىلاۋ دا، سەبد تاراپىنان جوسپارلى سىرتقى باقىلاۋ دا جۇزەگە اسىرىلادى.
سونىمەن قاتار، قوعامدىق دەنساۋلىق ساقتاۋ باسقارماسى سانيتاريالىق-ەپيدەميولوگيالىق باقىلاۋ دەپارتامەنتى، الماتى قالاسى بويىنشا مەديسينالىق جانە فارماسيەۆتيكالىق قىزمەت ساپاسىن باقىلاۋ كوميتەتى دەپارتامەنتى، جيتس ورتالىعى، قالالىق قان ورتالىعى ماماندارىنىڭ قاتىسۋىمەن سانيتاريالىق-ەپيدەميولوگيالىق رەجيمدى ساقتاۋ جانە ينفەكسيالىق باقىلاۋ جۇرگىزۋ بولىگىندە قالانىڭ بارلىق ستاسيونارلارىنا كەشەندى تەكسەرۋ جۇرگىزدى. قالا تۇرعىندارىنا مەديسينالىق كومەك كورسەتۋ كەزىندە جۇقتىرۋ ءقاۋپى جانە جۇيەلى قاۋىپتەر جوق.
جالپى، 2023 جىلدىڭ ءبىرىنشى جارتىجىلدىعىندا قالا ستاسيونارلارىندا 147736 ادام مەديسينالىق كومەك الدى، ونىڭ ىشىندە 14650 پاسيەنت رەانيماسيالىق بولىمشەلەرگە ءتۇستى جانە مەديسينالىق كومەك كورسەتۋ كەزىندە ينفەكسيالارمەن جۇقتىرۋ پرەسەدەنتتەرىنىڭ بولماۋى باستى باسىمدىق حالىققا ساپالى مەديسينالىق قىزمەتتەر كورسەتۋدە قاۋىپسىزدىك بولىپ تابىلاتىن جانە بولىپ قالاتىن جۇيەنى كورسەتەدى.
وقكا جاعدايىندا مەديسينالىق كومەك كورسەتۋ الگوريتمى ساقتالدى، جۇيەلى بۇزۋشىلىقتار بولعان جوق. پاسيەنتتەردىڭ جۇقتىرۋ فاكتىسى ادامي فاكتورمەن، اتاپ ايتقاندا، ورتا مەديسينالىق پەرسونالدىڭ جەكەلەگەن قىزمەتكەرلەرىنىڭ سانيتاريالىق–ەپيدەميولوگيالىق نورمالاردى بۇزۋىمەن بايلانىستى.
قالىپتاسقان جاعدايدى ەسكەرە وتىرىپ، كوميسسيا قورىتىندىلارى نەگىزىندە باسقارما شەشىم قابىلدادى:
- ق ر ەڭبەك كودەكسىنىڭ 48 - بابى 2-تارماعىنىڭ 6) تارماقشاسى نەگىزىندە قالالىق اۋرۋحانانىڭ باس دارىگەرى ن. ب. تابىنبايەۆ جۇمىستان شەتتەتىلدى؛
- ق ر ەڭبەك كودەكسىنىڭ 52-بابى 1-تارماعىنىڭ 16) تارماقشاسىنىڭ نەگىزىندە ەپيدەميولوگيا بويىنشا باس دارىگەر ورىنباسارى، رەانيماسيا مەڭگەرۋشىسى، ستاسيوناردىڭ باس مەدبيكەسى جانە رەانيماسيا بولىمشەسىنىڭ اعا مەدبيكەسى تەرىس سەبەپتەرىمەن جۇمىستان شىعارىلدى.
كوميسسيا جۇمىسىنىڭ قورىتىندىسى بار انىقتاما ماتەريالدارى ءىس جۇرگىزۋ شەشىمىن قابىلداۋ جانە ءاربىر جاۋاپتى تۇلعانىڭ جاۋاپكەرشىلىك شاراسىن ودان ءارى ايقىنداۋ ءۇشىن قالالىق پوليسيا دەپارتامەنتىنە جىبەرىلدى.