الماتىنىڭ جوعارعى بولىگىنىڭ تۇرعىندارى جەر استى سۋ كوزدەرىنە قوسىلعان
الماتىدا الماتى اكىمى ەربولات دوسايەۆتىڭ تاپسىرماسىمەن تج جەلىسى بويىنشا سالىنعان «بالقاش» تازا سۋ رەزەرۆۋارى پايدالانۋعا بەرىلدى. كامەنسك ءۇستىرتى شاعىن اۋدانىندا سۋ تاپشىلىعى ماسەلەسى شەشىلءىپ، تۇرعىندارعا اۋىز سۋ كەلدى، دەپ حابارلايدى almaty-akshamy.kz
2023 جىلدىڭ مامىر ايىندا باستالعان اۋقىمدى جوبا اياسىندا 6،9 مىڭ تەكشە مەترگە 5 رەزەرۆۋار جانە تاۋلىگىنە 7،3 مىڭ تەكشە مەترگە 3 ۇڭعىما سالىندى. رەزەرۆۋارعا كامەنسك ءۇستىرتى، كولساي، مۇزتاۋ جانە يۋبيلەينىي شاعىن اۋداندارىنىڭ تۇرعىندارىن سۋمەن قامتاماسىز ەتۋ ءۇشىن 6،1 كم جاڭا ماگيسترالدىق جەلىلەر سالىندى.
سونداي-اق، جوبا بويىنشا جابدىقتى اۋىستىرىپ، قولدانىستاعى 8 ۇڭعىما قايتا جاڭارتىلدى، ونىڭ ۇشەۋى «كاپتاج» سۋ الۋ الاڭىندا ورنالاسقان. بۇل جۇمىس الىنعان سۋدىڭ كولەمىن ەكى ەسەگە جۋىق - ساعاتىنا 300-دەن 500 تەكشە مەترگە دەيىن ارتتىرۋعا مۇمكىندىك بەردى.
وسىلايشا، مەدەۋ اۋدانىنىڭ ينجەنەرلىك جەلىلەرى مەن نىساندارى قولدا بار جەر استى سۋ جيناعىش قۋاتىنا قوسىمشا قوسىلعان. «كاپتاج»، «باستاۋ» جەر استى سۋ قابىلداعىشتارىنان جانە «مەدەۋ» سۇزگى ستانسياسىنان تۇسەتىن سۋ وسى رەزەرۆۋارلاردا جيناقتالىپ، زارارسىزداندىرىلادى. سودان كەيىن سورعىلاردىڭ بەلگىلەنگەن توپتارى ەسەبىنەن اۋىز سۋ ماگيسترالدىق باعىت بويىنشا كامەنسك ۇستىرتىنە تاراتىلادى.
قوسىمشا قۇرىلىس جۇمىستارى اياقتالعاننان كەيىن كولساي، مۇزتاۋ جانە يۋبيلەينىي شاعىن اۋداندارىنا كەزەڭ-كەزەڭىمەن سۋ بەرىلەدى. ءقازىر كولساي شاعىن اۋدانىنا دەيىن «وڭداسىنوۆا» ماگيسترالدىق قۇبىرى مەن سورعى ستانسياسىنىڭ قۇرىلىسى جۇرگىزىلءىپ جاتىر. سونداي-اق، «بالقاش» سورعى ستانسياسىنان مۇزتاۋ شاعىن اۋدانىنا دەيىن ماگيسترالدىق قۇبىر سالۋ جوسپارلانعان.
سونىڭ ناتيجەسىندە 4 شاعىن اۋداننىڭ 20 مىڭ تۇرعىنى تۇراقتى سۋمەن قامتاماسىز ەتىلەدى.
مەدەۋ اۋدانىنىڭ جوعارعى بولىگىن سۋمەن جابدىقتاۋ جەر ءۇستى سۋمەن جابدىقتاۋ كوزدەرىنىڭ اسەر ەتۋ ايماعىندا ورنالاسقان. سەبەبى بۇرىن اتالعان اۋماق الماتى وبلىسى تالعار اۋدانىنىڭ قۇرامىنا ەنگەن. 2013-2014 جىلدارى الماتىنىڭ مەدەۋ اۋدانىنا قوسىلدى. سودان بەرى وسى شاعىن اۋدانداردىڭ تۇرعىندارىن ساپالى سۋمەن جانە كارىزبەن قامتاماسىز ەتۋ ماسەلەسى وزەكتى بولىپ قالا بەردى.
2022 جىلى «كامەنسك ءۇستىرتى» شاعىن اۋدانىندا ۇڭعىمانىڭ دەبەتى 2،5 ەسە – 150-دەن 60 م3-گە دەيىن تومەندەگەسىن قالا باسشىسى تاۋ بوكتەرىندەگى تۇرعىنداردى تاۋ وزەندەرءىنە تاۋەلدىلىكتەن ارىلتۋدى تاپسىردى.
سونىمەن قاتار، 2023 جىلى الماتى وڭىرىندەگى ادەتتەن تىس ىستىق اۋا-رايى شاعىن الماتى شاتقالىندا تاۋلى قار جامىلعىسىنىڭ قارقىندى ەرۋىنە تۇرتكى بولدى، بۇل ءوز كەزەگىندە كءىشءى الماتى وزەنىندەگى سۋ دەڭگەيىنىڭ كۇرت كوتەرىلۋىنە، جاعالاۋلاردىڭ شايىلۋىنا جانە جەرگىلىكتى سەل شىعارىندىلارىنا اكەلدى. وزەندەگى سۋدىڭ لايلانۋ دەڭگەيىنىڭ جوعارىلاۋى سانيتارلىق نورمالارعا سايكەس تازارتۋعا مۇمكىندىك بەرمەدى. وسىعان بايلانىستى قالانىڭ جوعارعى بولىگىنىڭ تۇرعىندارى شەكتەۋ ايماعىندا بولدى.