11 قازان ساعات 13:00-دەن 12 قازان ساعات 13:00-گە دەيىن الماتىنىڭ مەدەۋ اۋدانىندا نازاربايەۆ داڭعىلىنان تولەبايەۆ كوشەسىنە دەيىنگى قازىبەك بي كوشەسىندە كولىك قوزعالىسى ەكى جاققا دا جابىلادى، دەپ حابارلايدى aqshamnews.kz
الماتىدا قازىبەك بي كوشەسىندە جىلۋ جەلىلەرىن جوندەۋ جۇمىستارىنا بايلانىستى قوزعالىس ۋاقىتشا شەكتەلەدى
ماگيسترالدىق قۇبىر جەلىسىندە جوندەۋ جۇمىستارىن جۇرگىزۋدە قاۋىپسىزدىكتى قامتاماسىز ەتۋ ءۇشىن ۋاقىتشا شەكتەۋ ەنگىزىلەدى.
"ايتا كەتەيىك، قوزعالىسقا قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتى» سەرۆيستەرىندە جازىلعان. ۋاقىتشا قولايسىزدىق ءۇشىن كەشىرىم سۇرايمىز جانە تۇسىنىستىكپەن قاراۋدى وتىنەمىز"، دەلىنگەن «الماتى جىلۋ جەلىلەرى» ج ش س تاراتقان اقپاراتتا.
