الماتى قالاسىندا 25 قىركۇيەك تۇنىنەن باستاپ 27 قىركۇيەك تۇسكە دەيىن جاڭبىر جاۋىپ، نوسەرگە ۇلاسىپ، جەل كۇشەيۋى مۇمكىن.
اۋا رايىنىڭ قولايسىزدىعىنا بايلانىستى كوممۋنالدىق ينفراقۇرىلىمدى دامىتۋ باسقارماسى تۇرعىنداردىڭ قاۋىپسىزدىگى مەن ىڭعايلى تۇرمىسىن قامتاماسىز ەتۋ ءۇشىن قابىلدانعان شارالار تۋرالى مالىمدەيدى.
سۋ تاسقىنىنىڭ الدىن الۋ ءۇشىن وڭتۇستىكتەن سولتۇستىككە قاراي ورنالاسقان مەريدياندىق ارىق جەلىلەرى كۇندىزگى ۋاقىتتا كەزدەيسوق قوقىستاردان تازارتىلدى. بۇل جۇمىسقا 82 ارنايى تەحنيكا مەن 310 جۇمىسشى جۇمىلدىرىلدى.
پروبلەمالى ايماقتاردا سۋ تاسقىنىنىڭ الدىن الۋ جانە ونى جويۋ ماقساتىندا موتوپومپالارمەن، باگرلەرمەن جانە باسقا دا ارنايى قۇرالدارمەن جابدىقتالعان 46 ءموبيلدى جەدەل بريگادا كەزەكشىلىك ەتەدى. سونداي-اق 2،6 مىڭ قاپ قۇم دايىندالدى.
25-ىنەن 26-سىنا قاراعان ءتۇنى 311 ارنايى تەحنيكا، 28 موتوپومپا جانە 340 جۇمىسشى جۇمىلدىرىلدى. تاڭەرتەڭنەن باستاپ 457 ارنايى تەحنيكا، 28 موتوپومپا جانە 754 جۇمىسشى ىسكە قوسىلادى دەپ جوسپارلانۋدا.
اۋا رايىنىڭ قولايسىزدىعىنا بايلانىستى قالا تۇرعىندارى مەن قوناقتارىنا تاۋعا بارماۋعا كەڭەس بەرىلەدى. جۇرگىزۋشىلەرگە اعاشتاردىڭ قۇلاۋ ءقاۋپى مەن ەلەكتر جەلىلەرىنىڭ ۇزىلۋىنە بايلانىستى كولىكتەرىن جول جيەگىنە قويماۋدى ۇسىنادى.
قالا تۇرعىندارىنان ارىقتار مەن نوسەر كانالدارىن قوقىسپەن بىتەمەي، ولاردىڭ دۇرىس جۇمىس ىستەۋىن قامتاماسىز ەتۋ سۇرالادى. قۇقىق بۇزعاندار ق ر اقبتك-نىڭ 505-بابى بويىنشا "قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ" بويىنشا اكىمشىلىك جاۋاپكەرشىلىككە تارتىلادى.
كوممۋنالدىق ينفراقۇرىلىمدى دامىتۋ باسقارماسى