الماتىنىڭ كوممۋنالدىق قىزمەتى تاۋلىك بويى قار شىعارادى، دەپ حابارلايدى almaty-akshamy.kz الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
الماتى قالاسىندا 30 قاڭتار ساعات 20:00-دەن باستاپ ازداعان قار جاۋا باستادى. ساعات 08:00-دەگى جاعداي بويىنشا قالادا 3 سم، تاۋلى جەردە 5 سم قار ءتۇستى.
جولدىڭ تاۋلى جانە ءقاۋىپتى اۋماعى سۇيىق رەاگەنتتەرمەن پروفيلاكتيكالىق وڭدەلدى، بۇعان 110 توننا رەاگەنت پايدالانىلدى.
كوكتايعاقتىڭ الدىن الۋ ءۇشىن 168 قۇم تاراتقىش ارقىلى كوكتايعاققا قارسى ماتەريالدار سەبىلەدى. ساعات 08:00-دەگى جاعداي بويىنشا 1290 توننا كقم پايدالانىلدى.
تاۋلى، تاۋ بوكتەرىندەگى اۋدانداردا قار سىپىرىلىپ، شىعارىلدى. ساعات 20:00-دەن باستاپ 4850 م3 قار شىعارىلدى، بۇل 485 ءوزى تۇسىرگىش جۇك كولىگىنە تەڭ (قازىرگى قىسقى كەزەڭدە بارلىعى 188 000 م3 قار نەمەسە 18 800 ءوزى تۇسىرگىش جۇك كولىگىندەي قار شىعارىلدى).
تۇنگى ۋاقىتتا 416 بىرلىك ارنايى تەحنيكا مەن 268 جۇمىسشى جۇمىلدىرىلدى. ساعات 08:00-دەن باستاپ 436 بىرلىك تەحنيكا مەن 1125 جۇمىسشى قار كۇرەۋگە شىققان.
154 بىرلىك شاعىن كولەمدى تەحنيكانىڭ كۇشىمەن تروتۋارلار مەن جالپى پايدالانىلاتىن ورىندار مەحانيكالاندىرىلعان تۇردە تازالانىپ، قوعامدىق كولىك ايالدامالارى مەن جەر ءۇستى وتكەلدەرىندە قار قولمەن كۇرەلدى. اۋدان اكىمدىكتەرىندە جۇمىستى باقىلاۋ بويىنشا تاۋلىك بويى كەزەكشىلىك ۇيىمداستىرىلدى.