الماتىنىڭ كوممۋنالدىق قىزمەتى كۇشەيتىلگەن رەجيمدە جۇمىس ىستەيدى، دەپ حابارلايدى Almaty-akshamy.kz
الماتى قالاسىندا 10-نان باستاپ جاۋعان جاڭبىر تاڭعا دەيىن جاۋادى دەپ بولجانىپ وتىر.
سۋدىڭ كەدەرگىسىز اعۋىن قامتاماسىز ەتۋ، ىقتيمال سۋ باسۋدىڭ الدىن الۋ جانە جويۋ ماقساتىندا 46 پاترۋلدىك بريگادا، 165 بىرلىك ارنايى تەحنيكا، 26 موتوپومپا جانە 684 جۇمىسشىسى جۇمىلدىرىلدى. سۋ باسۋى مۇمكىن ورىنداردى قورشاۋ ءۇشىن شامامەن 2 مىڭ قاپ قۇم دايىندالدى.
توتەنشە جاعدايلار جونىندەگى جەدەل كەزەكشىنىڭ اقپاراتى بويىنشا سۋ تاسقىنى تىركەلگەن جوق.
تۇنگى ۋاقىتتا 114 بىرلىك ارنايى تەحنيكا، 23 موتوپومپا جانە 115 ادام جۇمىس ىستەۋگە شىعادى دەپ جوسپارلانعان.
اۋدان اكىمدىكتەرىندە تاۋلىك بويى كەزەكشىلىك ۇيىمداستىرىلدى.
"قازگيدرومەت" رمك بولجاۋىنشا، الماتى قالاسىندا تۇندە تۇمان ءتۇسىپ، 1-2 مم-گە دەيىن جاۋىن-شاشىن بولۋى مۇمكىن. جەلدىڭ ەكپىنى 2-7 م/س. تۇندە اۋا تەمپەراتۋراسى +4...+6 گرادۋس، ەرتەڭ كۇندىز جاۋىن-شاشىنسىز +14...+16.
*الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى*