مەدەۋ جانە جەتىسۋ اۋدانىنداعى عيماراتتاردىڭ ءبىر بولىگى ىستىق سۋدان ۋاقىتشا اجىراتىلادى.
13 شىلدەدە الماتىداعى كەيبىر اۋدانداردا ىستىق سۋ بولمايدى، دەپ حابارلايدى Almaty-akshamy.kz.
«2022 جىلعى 13 شىلدە كۇنى ساعات تاڭعى 09.00-دەن كەشكى 21.00-گە دەيىن مەدەۋ جانە جەتىسۋ اۋدانىنداعى قونايەۆ – رايىمبەك – جانگەلدين – ەسىك – كىشى الماتى وزەنى – ايتەكە بي – قالداياقوۆ – ماقاتايەۆ – ۋاليحانوۆ كوشەلەرىنىڭ كونتۋرىندا ورنالاسقان تۇرعىن ۇيلەرگە جانە وزگە دە عيماراتتاردا ىستىق سۋ بولمايدى»، - دەلىنگەن «الماتى جىلۋ جۇيەسى» ج ش س حابارلاماسىندا.
شەكتەۋلەر جىلۋ جەلىلەرىندە جوسپارلى جوندەۋ جۇمىستارىن جۇرگىزۋ ءۇشىن ەنگىزىلەدى.
ماماندار ۋاقىتشا قولايسىزدىقتار ءۇشىن الماتىلىقتاردان كەشىرىم سۇرايتىنىن ايتتى.
