وڭىرلىك كوممۋنيكاسيالار الاڭىندا جۇرەك اۋرۋلارىنىڭ الدىن الۋعا، سونىمەن قاتار، الماتى قالاسىنىڭ كارديولوگيالىق ورتالىعىنىڭ قىزمەتىنە ارنالعان بريفينگ ءوتتى.
الماتى قالالىق كارديولوگيا ورتالىعىنىڭ كارديولوگيا ءبولىمىنىڭ مەڭگەرۋشىسى، جوعارى ساناتتى دارىگەر، م.ع.ك. ءجاميلا الدابەكوۆا جىل سايىن قكو-نىڭ قابىلداۋ بولىمىنە 12000-نان 15000 ناۋقاسقا دەيىن قارالۋ ماقساتىندا جۇگىنەدى، دەپ حابارلايدى Almaty-akshamy.kz.
«ءبىز شۇعىل جانە جوسپارلى مەديسينالىق كومەك كورسەتەمىز. ءبىزدىڭ ورتالىقتا 265 توسەك-ورىن، الماتى قالاسىنىڭ بارلىق اۋداندارىنىڭ تۇرعىندارىنا تەگىن مەديسينالىق كومەكتىڭ كەپىلدىك بەرىلگەن كولەمى اياسىندا شۇعىل مامانداندىرىلعان مەديسينالىق كومەك كورسەتەتىن 6 كارديولوگيالىق بولىمشە بار»، - دەدى ءجاميلا الدابەكوۆا.
جەدەل مەديسينالىق كومەكتىڭ ساپاسىن ارتتىرۋ ءۇشىن بارلىق بولىمدەردە سۋبينتەنسيۆتى تەراپيا پالاتالارى اشىلعان. بولىمدەردە ناۋقاستاردىڭ تۇرۋىنا زاماناۋي ەتىپ، وتە قولايلى جاعدايلار جاسالعان. كارديولوگيادا ۇلكەن تاجىريبەسى بار بىلىكتى ماماندار، ورتا جانە كىشى مەديسينا قىزمەتكەرلەرى جۇمىس ىستەيدى.
مەڭگەرۋشىنىڭ ايتۋىنشا، كوپتەگەن ماماندار وقىتىلىپ، تاياۋ جانە الىس شەتەلدەردە تاجىريبەدەن وتكەن. جۇمىس وڭتۇستىك كورەيانىڭ كلينيكالارىمەن جانە ۋنيۆەرسيتەتتەرىمەن جاسالعان ىنتىماقتاستىق تۋرالى مەموراندۋمدار اياسىندا كەڭىنەن دامىدى: سەۋل قالاسى، ەنسە ۋنيۆەرسيتەتىندەگى سيەۆەرانس كلينيكاسى، سەۋل قالاسى، سەدجون (SejongGeneralHospital) كلينيكاسى.
بۇگىندە كارديوحيرۋرگيا ءبولىمى 25 توسەككە ارنالعان. كافەدرادا 7 كارديوحيرۋرگ، 2 پروفەسسور، 3 دوكتورانت جۇمىس ىستەيدى. مۇندا جۇرەككە 5000-نان استام وتا جاسالادى، ونىڭ ىشىندە كورونارلىق پاتولوگيانىڭ ءارتۇرلى فورمالارىنا، جۇرە پايدا بولعان جانە تۋا بىتكەن جۇرەك اقاۋلارىنا. اريتمولوگيا ءبولىمىنىڭ نەگىزگى مىندەتى برادياريتميانىڭ ءارتۇرلى تۇرلەرىنە (جۇرەك سوعۋ جيىلىگىنىڭ ايقىن تومەندەۋى، جۇرەك توقتاۋىنا دەيىن) جانە ومىرگە ءقاۋىپ توندىرەتىن اريتمياعا، ەفز (ەلەكتروفيزيولوگيالىق زەرتتەۋ) جانە ءارتۇرلى دياگنوستيكاعا ارنالعان رجا (راديو جيىلىكتى ابلاسيا) پاروكسيزمالدى تاحيكارديا تۇرلەرى كەزىندە جاساندى كارديوستيمۋلياتورلاردى يمپلانتاسيالاۋ بولىپ تابىلادى.
انەستەزيولوگيا جانە رەانيماسيا بولىمىندە ناۋقاستارعا جوعارى كاسىبي انەستەزيالىق كومەك پەن قارقىندى تەراپيا جۇرەككە ميوكارد ريەۆاسكۋلياريزاسياسى كەزىندە جانە جاساندى قان اينالىمى جاعدايىندا جۇرەك، اورتە كلاپاندارىن پروتەزدەگەندە جاسالادى.
ال رەنتگەن حيرۋرگيا بولىمىندە كارديولوگيالىق ناۋقاستارعا اپتاسىنا 7 كۇن، تاۋلىك بويى شۇعىل ينتەرۆەنسيالىق كومەك كورسەتىلەدى. سوڭعى 5 جىلدا سايكەسىنشە 30 000-نان استام كوروناروگرافيا جانە 11 000-نان استام ستەنت جاسالدى. الماتىنىڭ قالالىق كارديولوگيالىق ورتالىعى جەتەكشى الەمدىك وندىرۋشىلەردىڭ زاماناۋي مەديسينالىق جابدىقتارىمەن قامتاماسىز ەتىلگەن.
ءبىرىنشى قاباتتا كلينيكالىق دياگنوستيكالىق ءبولىم بار، وندا دارىگەرلەر جوعارى ءتيىمدى دياگنوستيكالىق جانە ەمدەۋ ادىستەرىن قولدانا وتىرىپ، ناۋقاستارعا كەڭەس بەرەدى. كلينيكالىق دياگنوستيكا بولىمىندە كارديولوگيا، كارديوحيرۋرگيا، اريتمولوگيا، ەندوكرينولوگيا سياقتى سالالار بويىنشا كەڭەس الۋعا بولادى.
فۋنكسيونالدى دياگنوستيكا بولىمىندە ەكگ مەن ەحوكگ-دان باستاپ، برونحوسكوپيا مەن ەفگدس-قا دەيىن دياگنوستيكالىق زەرتتەۋلەردىڭ بارلىق تۇرلەرى جۇرگىزىلەدى.