ق ر ءىىم الماتى اكادەمياسىندا باۋىرجان مومىش ۇلى اتىنداعى ءدارىسحانادا وفيسەرلىك شەندەردى تابىستاۋ ءراسىمى ءوتتى.
جاس قىزمەتكەرلەر ق ر ءىىم الماتى اكادەمياسىنىڭ تۇلەكتەرى الدىندا ءسوز سويلەگەن الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ سالتاناتتى شارانى وتكىزۋ ورنى كەزدەيسوق تاڭدالماعانىن اتاپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ۇلى وتان سوعىسىنىڭ قاتىسۋشىسى، كەڭەس وداعىنىڭ باتىرى، حالىق قاھارمانى، جازۋشى باۋىرجان مومىش ۇلىنىڭ قۇرمەتىنە اشىلعان زالدا سالتاناتتى شارانىڭ ءوتۋى پوليسەيلەردىڭ وسكەلەڭ ۇرپاعى ءۇشىن ايتۋلى وقيعا بولماق. ءبىزدىڭ قاتارىمىزدا ولار وتانعا دەگەن سۇيىسپەنشىلىككە، ەرلىك پەن جانقيارلىق رۋحتا تاربيەلەنەدى. “ەلىم دەپ ەزىلىپ، جۇرتىم دەپ جۇمىلىپ، ەلگە قىزمەت ەت” دەگەن ۇلاعاتتى سوزدەر ءتارتىپ ساقشىلارىنىڭ سيمۆولىنا اينالىپ، ۇرپاقتان-ۇرپاققا جالعاسا بەرەدى. قۇرمەتتى ارىپتەستەر! سىزدەردى العاشقى وفيسەرلىك شەن الۋلارىڭىزبەن شىن جۇرەكتەن قۇتتىقتايمىن. سىزدەرگە زور دەنساۋلىق، وتباسىلىق باقىت جانە جوعارى كاسىبيلىك تىلەيمىن»، – دەدى ارىستانعاني زاپپاروۆ.