الماتىداعى كوۆيدتىك ستاسيونارلاردا 283 ادام، ونىڭ ىشىندە 10 بالا بار. قالا تۇرعىندارى اراسىندا ينفەكسيانىڭ راستالعان جاعدايلارىنىڭ سانى ازايدى، دەپ حابارلادى مەگاپوليستىڭ قوعامدىق دەنساۋلىق باسقارماسىنىڭ باسشىسى ناريمان تابىنبايەۆ.
الماتى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا سپيكەر ينفەكسيالىق گوسپيتالدارداعى توسەكتەردىڭ جارتىسىنان كوبى بوس ەكەنىن اتاپ ءوتتى. 20 مەديسينالىق مەكەمەدە بارلىعى 845 توسەك-ورىن بار.
ينتەنسيۆتى تەراپيا رەانيماسيا بولىمشەلەرىندە 32 پاسيەنت بار، ءوجج اپپاراتتارىنا 11، ءينۆازيۆتى ەمەس وجج-گە 6 ادام قوسىلعان، 6 High flow اپپاراتى جۇمىس ىستەيدى.
مساك ءموبيلدى بريگادالارى مەن تەلەمەديسينا ورتالىعىنىڭ باقىلاۋىندا 647 پاسيەنت بار، ولاردىڭ باسىم بولىگىندە كۆي بەلگىلەرى بار.
ناريمان تابىنبايەۆتىڭ ايتۋىنشا، قالانىڭ بارلىق مەديسينالىق نىساندارى ناۋرىز مەرەكەسىنە دايىن. قوناقتار مەن قالا تۇرعىندارى ءۇشىن ەپيدەميولوگيالىق قاۋىپسىزدىك تولىق كولەمدە قامتاماسىز ەتىلەدى.
سونىمەن قاتار، ن. تابىنبايەۆ پاندەميانى اياقتاۋ ءۇشىن بەتپەردە كيىپ، ۆاكسينالاۋدان ءوتۋ قاجەتتىگىن اتاپ ءوتتى. ول الماتىلىقتار اۋرۋدىڭ تارالۋىنا جول بەرمەۋ ءۇشىن يممۋندىق جاعدايدى ساقتاپ، ونى قولداۋى كەرەك دەپ سانايدى.
«ۆاكسينالانعان ادامدار ءالى كۇنگە دەيىن اۋرۋحانالارداعى كۆي پاسيەنتتەرىنىڭ از بولىگىن قۇرايدى. ءقازىر ەڭ باستىسى – ۆيرۋستىڭ تارالۋىن توقتاتۋ، ۆاكسينالار مەن ساقتىق شارالارىن قولدانۋ. سونىمەن قاتار، ەكى ەكپە جاساعاندارعا بۋستەرلىك دوزا قاجەت»، - دەپ اتاپ ءوتتى قوعامدىق دەنساۋلىق ساقتاۋ باسقارماسىنىڭ باسشىسى.
3 ناۋرىزداعى جاعداي بويىنشا، الماتىدا ءبىرىنشى كومپونەنتپەن 1 145 655 ادام، ەكىنشى كومپونەنتپەن 1 103 529 ادام ەگىلدى. ەگىلگەن ادامداردىڭ جالپى سانىنىڭ ىشىندە 60 جاستان اسقاندار - 124 997 ادام. 261 021 الماتىلىق ريەۆاكسينالاۋدان ءوتتى.
قالادا ءالى دە مەديسينالىق ۇيىمداردا 137 ۆاكسينالاۋ پۋنكتى جۇمىس ىستەيدى.