«Almaty Business – 2025» وڭىرلىك كاسىپكەرلىكتى دامىتۋ باعدارلاماسى اياسىندا الماتىدا سەندۆيچ-پانەلدەر شىعاراتىن جاڭا ءوندىرىس قۇرۋ جونىندەگى ينۆەستيسيالىق جوبا قولعا الىندى، دەپ حابارلايدى aqshamnews.kz
جوبانى «الماتى» اكك» اق-نىڭ ەنشىلەس ۇيىمى — «Almaty Finance» ج ش س قارجىلاندىردى. «East Star Com.kz» جشس-نە 2025 جىلى جەلتوقساندا 7 جىل مەرزىمگە جىلدىق 6% جەڭىلدەتىلگەن مولشەرلەمەمەن 480 ملن تەڭگە كولەمىندە قارجى بەرىلدى. جوبانىڭ جالپى ينۆەستيسيا كولەمى 1،5 ملرد تەڭگە، ونىڭ ىشىندە 1 ملرد تەڭگە كومپانيانىڭ ءوزىنىڭ قارجىسى. وندىرىستىك كەشەن الماتىنىڭ يندۋستريالىق ايماعىندا («الماتى» اكك» ەنشىلەس ۇيىمى) ورنالاستىرىلادى.
جوبا اياسىندا ءبىر اۋىسىمدا 3 000 شارشى مەترگە دەيىن ءونىم شىعاراتىن زاماناۋي تەحنولوگيالىق جەلى ساتىپ الىنىپ، ىسكە قوسىلادى. سەندۆيچ-پانەلدەر ءورت جانە ەكولوگيالىق قاۋىپسىزدىكتىڭ جوعارى تالاپتارىنا ساي كەلەتىن، ءوز وندىرىسىندەگى مينەرالدى جىلۋ وقشاۋلاعىش ماتەريالداردى پايدالانا وتىرىپ دايىندالادى، مەكتەپتەر، اۋرۋحانالار مەن تۇرعىن ۇيلەردى قوسقاندا، كوممەرسيالىق جانە الەۋمەتتىك قۇرىلىس سالاسىندا قولدانىلادى. جوبانىڭ جۇزەگە اسىرىلۋى الماتىنىڭ جانە قازاقستاننىڭ باسقا وڭىرلەرىنىڭ قۇرىلىس نارىعىن وتاندىق قۇرىلىس ماتەريالدارىمەن قامتاماسىز ەتىپ، يمپورتتىڭ ۇلەسىن قىسقارتۋعا مۇمكىندىك بەرەدى.
«الماتى يندۋستريالىق ايماعىنداعى جوبالاردى قولداۋ — قارجىلاندىرۋدىڭ باسىم باعىتتارىنىڭ ءبىرى. قالانىڭ ونەركاسىبىن دامىتۋمەن قوسا، بۇل جوبا 33 جاڭا جۇمىس ورنىن قۇرىپ، 7 جىل ىشىندە بيۋدجەتكە شامامەن 490 ملن تەڭگە سالىق ءتۇسىمىن قامتاماسىز ەتەدى»، — دەدى «Almaty Finance» ج ش س باسقارما ءتوراعاسى ەرلان ەگەمبەردييەۆ.