ەپيلەپسيانى دياگنوستيكالاۋ جانە العاشقى مەديسينالىق كومەك كورسەتۋ تۋرالى ءدارىس-ساباقتى “كەڭ جۇرەك” قوعامدىق قورى ۇيىمداستىردى.
ءدارىستىڭ ماقساتى: ەپيلەپسيا ۇستاماسىنا كۋا بولعان ءار ادام نە ىستەۋ كەرەكتىگىن ۇيرەتۋ.
ەپيلەپسيا ۇستاماسى كەزىندە العاشقى كومەك، ادەتتە، جانىندا جۇرگەن ادامنىڭ ارەكەتىنە بايلانىستى بولادى.
مۇنداي جاعدايدا كەلەسى قادامداردى ورىنداۋ قاجەت:
1. جەدەل جاردەم شاقىرىڭىز؛
2. سابىرلى بولىڭىز، ۇستامانىڭ باستالۋ ۋاقىتىن بەلگىلەڭىز؛
3. ناۋقاستىڭ باسىنا جۇمساق زات قويىپ، ءقاۋىپسىز جاعداي جاساڭىز؛
4. اۋزىنا ەشتەڭە سالماڭىز، جاعىن اشۋعا تىرىسپاڭىز؛
5. كيىمىنىڭ الدىن اشىپ، بەلىن بوساتىڭىز؛
6. ناۋقاستى ءبىر قىرىنا جاتقىزىپ، اقىرىن عانا ۇستاڭىز، جاراقات الماۋىن قاداعالاڭىز.
