الماتىنىڭ ەكى اۋدانىندا ۋاقىتشا گاز بولمايدى

الماتى قالاسىنىڭ ءبىرقاتار تك جانە جەكە ۇيلەرىندە گاز قۇبىرىن جوندەۋگە بايلانىستى گازبەن جابدىقتاۋ اجىراتىلادى.

22-24 قازان ارالىعىندا بوستاندىق جانە المالى اۋداندارى كوشەلەرى اۋماعىنداعى تۇرعىن ۇيلەر مەن وبەكتىلەردە گاز بولمايدى، دەپ حابارلايدى Almaty-akshamy.kz الماتى قالاسىنىڭ «قازترانسگاز ايماق» اق-نا cىلتەمە جاساپ. 

ادك ساۋدا-ويىن-ساۋىق ورتالىعىنىڭ اۋماعىندا گاز قۇبىرىن جوندەۋگە بايلانىستى ءبىرقاتار تۇرعىن ۇيلەر مەن جەكە سەكتورعا گاز بەرۋ توقتاتىلادى. 

اتاپ ايتقاندا، تولە بي – روزىباكييەۆ – سايران – جاندوسوۆ كولى كوشەلەرىنىڭ اۋدانىنداعى 2975 جەكە سەكتور، 203 ۇجىمدىق سەكتور جانە 21 كوممۋنالدىق-تۇرمىستىق كاسىپورىن گازبەن جابدىقتاۋدان اجىراتىلادى.

تومەن قىسىمدى د-325 مم جەر استى گاز قۇبىرىندا گازدى ۇزدىكسىز جانە اپاتسىز بەرۋ ءۇشىن اپاتتى گاز قۇدىعىن اۋىستىرۋ جوسپارلانۋدا.

«تۇرعىنداردان گاز كراندارىن جابۋدى، «ينتەرگاز ورتالىق ازيا» اق ومگ الماتى گاز شارۋاشىلىعى قىزمەتكەرلەرى جۇرگىزەتىن جۇمىستاردى اياقتاعانعا دەيىن اشپاۋلارىن وتىنەمىز»، - دەپ حابارلادى «قازترانسگاز ايماق» اق فيليالىندا.