الماتىنىڭ ديزاين-كودىن ەنگىزۋ كەزىندە جاڭا تاسىلدەرگە بەيىمدەلۋ ءۇشىن 1،5 جىل وتپەلى كەزەڭ قولدانىلادى. بۇل تۋرالى الماتى قالاسى اكىمىنىڭ ورىنباسارى اسقار ءامرين الماتى ءماسليحاتىنىڭ كەزەكتى XIII سەسسياسى بارىسىندا حابارلادى.
قالا اكىمى ەربولات دوسايەۆتىڭ تاپسىرماسىنا سايكەس ديزاين-كود بەكىتىلگەننەن كەيىن كەزەڭ-كەزەڭىمەن ەنگىزىلەدى.
«جاڭا نىساندار ءۇشىن ۇسىنىستار مەن تالاپتار تولىقتاي قولدانىلادى. كاسىپكەرلەردى ەرىكتى ءارى بەلسەندى تۇردە ديزاين-كود قاعيداتتارىن ەنگىزۋگە ىنتالاندىرۋ جانە سول ارقىلى قالانىڭ كەلبەتىن جاقسارتۋ ءۇشىن قولدانىستاعى نىساندارعا كەشەندى تۇردە جاقىندايمىز»، - دەدى الماتى اكىمىنىڭ ورىنباسارى ديزاين-كودتى ازىرلەۋ كەزىندە بارلىق نورماتيۆتىك-قۇقىقتىق تالاپ ساقتالعانىن ايتتى.
ونىڭ ايتۋىنشا، ديزاين كودىنىڭ سايت سەرۆيسى ازىرلەنگەن. بۇل اقپارات جيناۋعا جانە ءبىلىم الماسۋعا ارنالعان ورتالىق الاڭ. سايت ديزاين كودتى ەنگىزۋ كەزىندە ديالوگ الاڭى بولادى.
ديزاين-كودتى ازىرلەۋ كەزىندە قالالىق ورتانىڭ نەگىزگى نىساندارىن كىم قالىپتاستىرادى جانە كىم پايدالانادى دەگەن ماسەلە انىقتالدى. زەرتتەۋلەر نەگىزىندە تۇرعىندار، كاسىپكەرلەر، مەملەكەتتىك ورگانداردىڭ، ءبىلىم بەرۋ مەكەمەلەرىنىڭ جانە كرەاتيۆتى قوعامداستىقتىڭ وكىلدەرى، سونىمەن بىرگە ديزاينەرلەر مەن ازىرلەۋشىلەر سىندى ديزاين كودقا بەي-جاي قارامايتىن مۇددەلى تاراپتار انىقتالدى.
«قاتىسۋشىلاردىڭ پىكىرى مەن مۇددەسىن جان-جاقتى ەسەپكە الۋ ديزاين-كودتى كەشەندى جانە تەڭدەستىرىلگەن قۇجات رەتىندە قالىپتاستىرۋعا ىقپال ەتتى. بۇل تاجىريبەدە وزگەرىستەر ەنگىزە باستاعاندا پىسىقتالاتىن قۇجات»، - دەدى اسقار ءامرين.