بۇكىل قالا بويىنشا امسك قادامدىق قولجەتىمدىلىگىن انىقتايتىن جۇيە قۇرىلدى.
الماتى اكىمى باقىتجان ساعىنتايەۆ «الماتى» تەلەارناسىنداعى كەزەكتى تىكەلەي ەفير بارىسىندا قالانىڭ دەنساۋلىق ساقتاۋ جۇيەسىن سيفرلاندىرۋ جانە كۆي ەپيدەمياسىنىڭ تارالۋىن بولدىرماۋعا باعىتتالعان جوبالار تۋرالى ايتتى، دەپ حابارلايدى Akmaty-akshamy.kz.
دەنساۋلىق ساقتاۋ سالاسىن سيفرلاندىرۋ اياسىندا بۇكىل قالا بويىنشا امسك قادامدىق قولجەتىمدىلىگىن انىقتايتىن جۇيە قۇرىلدى. جۇيە ۋچاسكەلىك دارىگەرلەر ناۋقاستارىن ارالاۋ كەزىندە ءوز پاسيەنتتەرىنە جەتە المايتىن ايماقتاردى انىقتاۋعا مۇمكىندىك بەردى. وسى اقپاراتتىڭ نەگىزىندە سالىناتىن جاڭا ەمحانالار مەن اۋرۋحانالاردىڭ مەديسينالىق قىزمەتتەرىنىڭ قادامدىق قاشىقتىعى ەسكەرىلىپ، جوبالانادى.
پاندەميا كەزىندە جەكە سەكتوردىڭ قاتىسۋىمەن قالا كۆي ەپيدەمياسىنىڭ تارالۋىن بولدىرماۋعا باعىتتالعان جاڭا جوبالاردى جەدەل جۇزەگە اسىردى. مىسالى، ۇيالى بايلانىس وپەراتورلارىنىڭ دەرەكتەرى نەگىزىندە ادامدار كوپ جينالاتىن ورىنداردىڭ ساراپتاماسى جاسالدى، اۋرۋحانالاردىڭ 1س جۇيەسىنە تىكەلەي ينتەگراسيالانعان دارى-دارمەك قوزعالىسىنىڭ مونيتورينگ جۇيەسى ەنگىزىلدى؛ مەديسينالىق قۇرىلعىلاردىڭ جۇمىس مارتەبەسىن انىقتايتىن جوبا جۇزەگە استى.
بۇدان وزگە، پاندەميا كەزىندە تەلەمەديسينا ورتالىعى ارقىلى كۆي ناۋقاستارىن باقىلاۋدىڭ تولىققاندى جۇيەسى ىسكە استى. كۆي-مەن اۋىرعان قالا تۇرعىندارىنىڭ كوپشىلىگى جۇمىستىڭ «دەيىن» جانە «كەيىن» كەزەڭىندەگى ايىرماشىلىقتاردى سەزىندى. بولاشاقتا وسى تاجىريبەنى سوزىلمالى اۋرۋلارى بار قالالىقتاردى قولداۋ ءۇشىن پايدالانۋ جوسپارلانۋدا.