الماتىدا ونەركاسىپ ءونىمىن ءوندىرۋ كولەمى جىل باسىنان بەرى 21،7%-عا ءوستى، دەپ حابارلايدى almaty-akshamy.kz
2023 جىلدىڭ قاڭتار – تامىز ايلارىنىڭ قورىتىندىسى بويىنشا الماتى قالاسىندا الەۋمەتتىك-ەكونوميكالىق دامۋ كورسەتكىشتەرىنىڭ ءوسۋ قارقىنى جوعارى.
ەكونوميكانىڭ نەگىزگى التى سالاسىنىڭ (ونەركاسىپ، ساۋدا، كولىك جانە قويمالاۋ، اقپارات جانە بايلانىس قىزمەتتەرى، قۇرىلىس، اۋىل شارۋاشىلىعى) سەرپىنىن سيپاتتايتىن قىسقا مەرزىمدى ەكونوميكالىق ينديكاتور 115،2% -دى قۇرادى.
ونەركاسىپ ءونىمىن ءوندىرۋ كولەمى 21،7% وسىممەن 1 303،8 ملرد. تەڭگەگە دەيىن ۇلعايدى، بۇل ەلدەگى ەڭ جوعارى ءوسۋ قارقىنىن كورسەتتى (+3،8%). بۇل رەتتە وڭدەۋ ونەركاسىبى 20،2% - عا 1 117،6 ملرد. تەڭگەگە دەيىن ءوستى.
قۇرىلىس 3،8% - عا ءوستى، ورىندالعان قۇرىلىس جۇمىستارىنىڭ كولەمى 322،3 ملرد.تەڭگەنى قۇرادى. 2023 جىلعى قاڭتار-تامىزدا وتكەن جىلدىڭ وسى كەزەڭىمەن سالىستىرعاندا 22،5% وسىممەن 1 486،4 مىڭ شارشى مەتر تۇرعىن ءۇي پايدالانۋعا بەرىلدى.
بولشەك تاۋار اينالىمىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 6،2% - عا ۇلعايىپ، 3 525،8 ملرد. تەڭگەنى قۇرادى. كوتەرمە ساۋدا اينالىمى 20،3%-دىق وسىممەن 9 455،6 ملرد. تەڭگەنى قۇرادى.
كولىك جانە قويما قىزمەتتەرى 16،5% – عا، اقپارات پەن بايلانىس 3،3% - عا ءوستى.
2023 جىلعى قاڭتار – تامىزدا قالا ەكونوميكاسىنا نەگىزگى كاپيتالعا 876،9 ملرد. تەڭگە ينۆەستيسيا تارتىلدى. بۇل رەتتە جەكە ينۆەستيسيالار 2022 جىلعى وسى كەزەڭمەن سالىستىرعاندا 4،8% - عا ءوستى.
اعىمداعى جىلدىڭ تامىز ايىندا ىسكەرلىك بەلسەندىلىك يندەكسى 55،2% - دى قۇرادى جانە رەسپۋبليكا بويىنشا كوشباسشى ورىن الادى.
سىرتقى ساۋدا اينالىمى (ەاەو ەلدەرىنسىز) 2023 جىلعى قاڭتار-شىلدەدە 34،6% وسىممەن $1 14 369،4 ملن قۇرادى. بۇل رەتتە ەكسپورت 23،8% - عا ۇلعايىپ، $2 605،2 ملن قۇرادى.