قالا اكىمىنىڭ ورىنباسارى ە. باباقۇماروۆ شۇعىل كەڭەستە مەكتەپتەر مەن بالاباقشالاردا جانجالداردىڭ الدىن الۋ بويىنشا تۇبەگەيلى شارالار قابىلداۋدى تاپسىردى.
اۋدان اكىمى ورىنباسارلارىنىڭ، قالالىق باسقارما جانە اۋداندىق ءبىلىم بولىمدەرى، بالاباقشالار، مەكتەپتەر باسشىلارىنىڭ قاتىسۋىمەن وتكەن كەڭەستە ءبىلىم بەرۋ سالاسىنىڭ وزەكتى ماسەلەلەرى تالقىلاندى، دەپ حابارلايدى Almaty-akshamy.kz
ە. باباقۇماروۆ ءبىلىم باسقارماسىنىڭ باسشىسىنا ءبىلىم بەرۋ ۇيىمدارىندا زورلىق-زومبىلىقتىڭ الدىن الۋ، انىقتاۋ جانە دەن قويۋ بويىنشا ۇيىمداستىرۋشىلىق-باسقارۋ شارالارىن ازىرلەۋدى، قابىلداۋدى جانە اقپاراتتىق-اعارتۋشىلىق جۇمىس جۇرگىزۋدى تاپسىردى.
شارالار پاكەتىن مەكتەپتەر مەن بالاباقشالاردىڭ باسشىلىعى مەن پەداگوگيكالىق ۇجىمدارى اتا-انالارمەن، بالالارمەن، جوعارى تۇرعان ورگاندارمەن جانە بالالاردىڭ قۇقىقتارىن قورعاۋ جونىندەگى ارىپتەستىك ۇيىمدارمەن، سونداي-اق ۇەۇ-مەن تىعىز ىنتىماقتاستىقتا ىسكە اسىرۋ قاجەت.
الماتى اكىمىنىڭ ورىنباسارى ە. باباقۇماروۆتىڭ تاپسىرماسى بويىنشا قالانىڭ بارلىق ءبىلىم بەرۋ مەكەمەلەرىنىڭ باسشىلارى ءۇي-جايلار مەن ۇيىم اۋماعىنىڭ قاۋىپسىزدىگىن قامتاماسىز ەتۋى ءتيىس. سونىمەن قاتار، ءبىلىم بەرۋ ۇيىمىنىڭ الەۋمەتتىك-پسيحولوگيالىق احۋالىنا تالداۋ جاساۋ جانە زورلىق-زومبىلىق قاتىناستارىندا باسشىلىقتىڭ، وقىتۋشىلار قۇرامىنىڭ، ستۋدەنتتەر مەن اتا-انالاردىڭ جالپى ساياساتىن ازىرلەۋ قاجەت.
سونىمەن قاتار، نورماتيۆتىك قۇجاتتاردى، مىنەز-قۇلىق ەرەجەلەرىن، لاۋازىمدىق نۇسقاۋلىقتاردى، ءىس-قيمىل الگوريتمدەرىن ازىرلەۋ جانە قابىلداۋ، زورلىق-زومبىلىق جاعدايلارىن بولدىرماۋعا، انىقتاۋعا جانە دەن قويۋعا جاۋاپتىلاردى تاعايىنداۋ تاپسىرىلدى.
ءبىلىم بەرۋ ۇيىمىن پسيحولوگيالىق قولداۋ قىزمەتىن رەفورمالاۋعا جانە زورلىق-زومبىلىقتان زارداپ شەككەندەرگە، قۇقىق بۇزۋشىلار مەن كۋالارعا كومەك كورسەتۋ ءۇشىن ارىپتەستىك ۇيىمداردى جانە ولارمەن ءوزارا ءىس-قيمىل تەتىكتەرىن ايقىنداۋعا ەرەكشە نازار اۋدارۋ قاجەت.
ءبىلىم بەرۋ باسقارماسىنا ءبىلىم بەرۋ مەكەمەلەرىنىڭ جايلىلىق، ينكليۋزيۆتىلىك جانە قاۋىپسىزدىك دەڭگەيىنە تۇراقتى مونيتورينگ جۇرگىزۋ تاپسىرىلدى.
سونداي-اق، بالالاردىڭ قاۋىپسىزدىگىن قامتاماسىز ەتۋ جانە قۇقىقتارىن قورعاۋ ماسەلەلەرىندە اۋدان اكىمدەرى ورىنباسارلارىنىڭ، ءبىلىم باسقارماسى قىزمەتكەرلەرىنىڭ، اۋداندىق ءبىلىم بولىمدەرى باسشىلارىنىڭ جانە ءبىلىم بەرۋ ۇيىمدارى باسشىلارىنىڭ جاۋاپكەرشىلىگىن كۇشەيتۋ تاپسىرىلدى.
ە. باباقۇماروۆ اتالعان شارالار زورلىق-زومبىلىق جانە ونىڭ سالدارى تۋرالى حاباردار بولۋدى ارتتىرۋعا باعىتتالعانىن اتاپ ءوتتى. بۇل رەتتە دەسترۋكتيۆتى كورىنىستەرگە قارسىلىقتىڭ تيىمدىلىگىن ارتتىرۋعا، ونىڭ ىشىندە جەكە جانە الەۋمەتتىك داعدىلار مەن پەداگوگيكالىق قۇزىرەتتەردى دامىتۋ ارقاسىندا وقىتۋ بويىنشا جۇمىس جۇرگىزۋ قاجەت.