بۇگىن قازاق ۇلتتىق قىزدار پەداگوگيكالىق ۋنيۆەرسيتەتىندە الماتى قالاسى ءبىلىم باسقارماسىنىڭ قولداۋىمەن «ساباقتى زەرتتەۋ ارقىلى وقۋ مەن وقىتۋدى دامىتۋ» (Improving Teaching and Learning Through Lesson Study) اتتى II قالالىق عىلىمي-تاجىريبەلىك كونفەرەنسيا ءوتتى. شاراعا 300-دەن استام جەتەكشى عالىمدار، تاجىريبەلى پەداگوگتەر، ءبىلىم بەرۋ ۇيىمدارىنىڭ باسشىلارى مەن بولاشاق مۇعالىمدەر قاتىستى.
كونفەرەنسيا تاجىريبە الماسۋعا، ۇزدىك پراكتيكالاردى تالقىلاۋعا جانە عىلىمي زەرتتەۋلەردى مەكتەپتەگى كۇندەلىكتى تاجىريبەگە ەنگىزۋگە ارنالعان الاڭ بولدى. قاتىسۋشىلار ءوز نازارىن ساباقتىڭ تيىمدىلىگىن ارتتىرۋعا باعىتتالعان «Lesson Study» ادىستەمەسىنە اۋداردى.
«الماتى قالاسىنىڭ ورتا ءبىلىم بەرۋ ۇيىمدارىندا وزىق تاجىريبەمەن الماسۋ، جەتىستىكتەردى سارالاۋ جانە Lesson Study ادىستەمەسىن قولدانۋ پەرسپەكتيۆالارىن انىقتاۋ باعىتىندا جۇيەلى جۇمىستار جۇرگىزىلۋدە. 2013 جىلدان باستاپ قالا مۇعالىمدەرىنىڭ تاجىريبەسىندە ماقساتتى زەرتتەۋلەر جۇزەگە اسىرىلىپ كەلەدى. قازىرگى ۋاقىتتا 32 جەتەكشى مەكتەپ بەكىتىلءىپ، ترەنەرلەر دايىندالدى. ولار Lesson Study ءادىسى ارقىلى وقىتۋدى جاقسارتۋ ماسەلەلەرىن تالقىلاۋعا قاتىسىپ، ارىپتەستەرىمەن تاجىريبەءسىن بولىسۋدە»، – دەدى الماتى قالاسى ءبىلىم باسقارماسىنا قاراستى قالالىق بءىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ (ءقببجتعاو) ديرەكتورى دءاۋرەن ساعىنعالييەۆ.
ونىڭ ايتۋىنشا، مەكتەپتى زەرتتەۋشىلەر قاۋىمداستىعىنىڭ قورجىنىندا 200-دەن استام زەرتتەۋ جۇمىستارى جيناقتالعان. بۇل ناتيجە مەگاپوليس پەداگوگتەرىنىڭ ەرەكشە قىزىعۋشىلىعىن تۋدىرىپ وتىر. پەداگوگتەردىڭLesson Study ءادىسىن جۇرگىزۋ تاجىريبەسىمەن ءبولىسۋى، ادىستەمەلىك رەسۋرستار مەن وزەكتى اقپاراتتارعا قول جەتكىزۋى ءۇشىن بارلىق جاعداي جاسالعان.
«ءبىلىم باسقارماسى تاراپىنان قالاداعى ءبىلىم ساپاسىن ارتتىرۋ ماقساتىندا جۇيەلى جۇمىس جۇرگىزىلىپ جاتىر جانە ونىڭ وڭ ناتيجەلەرى دە بار. ءبىز بۇل باعىتتاعى جۇمىستاردى ودان ءارى كۇشەيتىپ، ءبىلىم بەرۋ ساپاسىن ارتتىرۋدىجالعاستىرامىز»، – دەپ اتاپ ءوتتى دءاۋرەن ساعىنعالييەۆ.
كونفەرەنسيا جۇمىسى بىرنەشە سەكسيالار مەن پوستەرلىك گالەرەيا فورماتىندا جالعاستى. وندا مۇعالىمدەر مەن ستۋدەنتتەردىڭ زەرتتەۋ ناتيجەلەرى مەن پراكتيكالىق جۇمىستارى ۇسىنىلدى. اۋقىمدى شارا بارىسىندا «ءمۇعالىم تاجىريبەسىندەگى ۇزدىك ساباق زەرتتەۋ ۇلگىلەرى»، «ينكليۋزيۆتى ورتاداعى وقىتۋ پروسەسىن جەتىلدىرۋدەگى ساباقتى زەرتتەۋ تاجىريبەسى» سىندى باعىتتارعا باسىمدىق بەرىلدى.
ادىستەمەلىك ورتالىق باسشىسى داۋرەن ناۋرىزباي ۇلى اتاپ وتكەندەي، مۇنداي ءىس-شارالار بىرلەسكەن ءبىلىم بەرۋ جوبالارىن ىسكە اسىرۋدا، بولاشاق پەداگوگ كادرلاردى دايارلاۋ ساپاسىن ارتتىرۋ جولدارىن ىزدەستىرۋدە وڭ ءرول اتقارادى. بۇل باعىتتاعى كونفەرەنسيالار الماتى قالاسىنىڭ ءبىلىم بەرۋ ەكوجۇيەسىن دامىتۋ مەن ارىپتەستىكتى نىعايتۋدا جاڭا مۇمكىندىكتەرگە جولاشادى.