Almaty TV: 25 جىلدىق مەرەيتويى جانە جاڭا ماۋسىمدىق جوبالارى
1999 جىلى قۇرىلعان Almaty TV ەلىمىزدەگى ەڭ كونە تەلەارنالاردىڭ ءبىرى بولىپ سانالادى. 200-دەن استام قىزمەتكەردەن تۇراتىن ۇجىم شيرەك عاسىر بويى وتاندىق مەديايندۋستريانىڭ دامۋىنا ايتارلىقتاي ۇلەس قوسىپ كەلەدى، دەپ حابارلايدى almaty-akshamy.kz
تەلەارنانىڭ العاشقى ەفيرى نەبارى 3 ساعاتقا سوزىلعان بولاتىن. العاشىندا سپەكتاكلدەر، فيلمدەر جانە جاڭالىقتار ەكسپەريمەنت رەتىندە تاراتىلدى. كەيىننەن شىعارماشىلىق توپتىڭ كۇش-جىگەرى ارقاسىندا تەلەارنا كورەرمەندەردىڭ ىستىق ىقىلاسىنا بولەنە باستادى.
سوڭعى جىلى Almaty TV اقپاراتتىق-ساراپتامالىق، مادەني جانە تانىمدىق جوبالارعا باسىمدىق بەرىپ، 10 000-نان استام جاڭالىقتار سيۋجەتىن، ارنايى رەپورتاجدار مەن دەرەكتى فيلمدەردى، سونداي-اق 30-دان استام باعدارلاما مەن تەلەحيكايالاردى جارىققا شىعاردى.
تەلەارنانىڭ باس ديرەكتورى تيمۋر بازاربايەۆتىڭ ايتۋىنشا، Almaty TV 25 جىلدىق مەرەيتويىندا كورەرمەندەرىن ەكى جاڭا ماۋسىممەن قۋانتپاق. كوكتەمگى ماۋسىم كورەرمەندەرگە جول تارتسا، كۇزگى ماۋسىمدا بىرنەشە عاجايىپ شوۋ مەن 7 تەلەحيكايا دايىندالىپ جاتىر.
«مەرەيلى جىلى ءبىزدىڭ ۇجىم 40-قا جۋىق الەۋمەتتىك جانە قايىرىمدىلىق شارالار وتكىزبەك. جاڭالىقتار ەفيرىندە «25 قايىرىمدى ءىس» ايدارى، ال digital-پلاتفورمامىزدا بالالارعا ارنالعان «ارمانىڭا جەت» جوباسى جارىققا شىعادى. وسى ءساتتى پايدالانىپ، كورەرمەندەرىمىزگە ريزاشىلىق بىلدىرگىم كەلەدى. سىزدەردىڭ قولداۋلارىڭىزبەن تەلەارنامىز جاڭا جەتىستىكتەرگە جەتە بەرەدى دەپ سەنەمىن»، - دەدى تيمۋر بازاربايەۆ.
2022 جىلدىڭ تامىزىندا Almaty TV رەسپۋبليكالىق مارتەبە الىپ، قازاقستان رەسپۋبليكاسىنىڭ بارلىق اۋماعىندا تاراتىلاتىن ارنالار تىزىمىنە ەندى. اۋديتوريانى تەحنيكالىق قامتۋى 47 پايىزدان 89 پايىزعا ءوستى. سول جىلى تەلەارنانىڭ رەبرەندينگى جاسالىپ، برەندتىڭ اشىق جاسىل تۇستە جاڭعىرتىلۋى ءداستۇرلى ەفيرلىك جانە سيفرلىق ينتەرنەت-ورتانىڭ سينەرگياسىن بەينەلەدى.
2023 جىلى تەلەارنانىڭ باس ستۋديالىق پاۆيلونى جاڭارتىلىپ، زاماناۋي بەيىمدەلگىش دەكوراسيالار مەن پوليمەرلىك قۇيمالى جابىن پايدالانىلدى. ستۋديانىڭ پايدالى اۋماعى ەكى ەسە ۇلكەيتىلىپ، الماتى قالاسى اكىمدىگىنىڭ قولداۋىمەن جاڭا ءتۇسىرۋ جانە مونتاجداۋ قۇرىلعىلارى ساتىپ الىندى.
ەفيرلىك ساياساتتى جەتىلدىرۋ ناتيجەسىندە Almaty TV ارناسىنىڭ تەلەقارالىم كورسەتكىشتەرى تۇراقتى تۇردە جاقسارىپ كەلەدى. «K Research Central Asia» مالىمەتتەرىنە سايكەس، بىلتىر كورەرمەن سانى 4،2 ملن ادامعا جەتتى. مەملەكەتتىك تىلدەگى وزىندىك ءوندىرىس ۇلەسى 83 پايىزعا ءوستى.
جاڭا اقپاراتتىق ستراتەگيانى جۇزەگە اسىرۋ ناتيجەسىندە تەلەارنانىڭ ينتەرنەتتەگى ورنى دا ايتارلىقتاي نىعايدى. سايت كورسەتكىشتەرى 9 ملن-نان 45 ملن قارالىمعا دەيىن ارتتى. YouTube جازىلۋشىلارىنىڭ سانى 1،2 ملن-نان استى. جاقىن ۋاقىتتا جاڭارتىلعان ۆەب-سايت پەن ونىڭ موبيلدىك نۇسقاسى ۇسىنىلادى.
بۇل جەتىستىكتەر Almaty TVء-نىڭ وتاندىق مەديايندۋسترياداعى جەتەكشى ورىنعا يە ەكەندىگىن تاعى دا ءبىر راستايدى. 25 جىلدىق مەرەيتويىندا تەلەارنا كورەرمەندەرىنە جاڭا جوبالار مەن قىزىقتى باعدارلامالار ۇسىنۋعا دايىن.