الماتى قالاسى اۋەزوۆ اۋدانىنىڭ اكىمى سايران سايفەدەنوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا مەگاپوليس تۇرعىندارىن كوروناۆيرۋسقا قارسى ۆاكسينالانۋعا شاقىردى.
ونىڭ ۇستىنە قازىرگى ۋاقىتتا بۇل ءۇشىن بارلىق جاعداي جاسالعان. مىسالى، ساۋدا ورتالىعىنا بارۋدى ۆاكسينا الۋمەن بىرىكتىرۋگە بولادى، دەپ حابارلايدى Almaty-akshamy.kz
سايران سايفەدەنوۆ ۆاكسينالانۋ ارقىلى ينفەكسيادان قورعانۋ قاجەتتىگىن ايتتى، سونىمەن قاتار ماسكا رەجيمىن ساقتاۋدىڭ، قولدى دەزينفەكسيالاۋدىڭ جانە بايلانىستاردى شەكتەۋدىڭ ماڭىزدىلىعىن ەسكە سالدى. اتاپ ايتقاندا، اۋدان اكىمى ەگدە جاستاعى ادامدارعا COVID-19 ۆاكسيناسىن الۋ جونىندە ويلانۋعا كەڭەس بەرەدى.
اتاپ وتسەك، اۋەزوۆ اۋدانىندا ۆاكسينالاۋعا جاۋاپتى 9 مەديسينالىق ۇيىم بار، 25 ەگۋ پۋنكتى ەمحانالاردا، ساۋدا ورتالىقتارىندا، مەكتەپتەردە، جەكە مەديسينالىق كلينيكالاردا اشىلدى.
كۇن سايىن ساعات 8.00-دەن 20.00-گە دەيىن Moskva Metropolitan، Grand Park، Asia Park، Almaty Mall، Sputnik Mall، «ارمادا»، «سپۋتنيك» سوسو، «تيگروحاۋد»، Car City ساۋدا ورتالىقتارىندا، سونىمەن قاتار №6، 10، 16، 18 ەمحانالارىندا جانە «حاك»، «راحات»، MedLine، «مەدسەرۆيسحيرۋرگيا» جەكە مەديسينالىق ورتالىقتارىندا، «ەمحانا 55»، «ەمحانا سۇڭقار II»، «Med Lab ەكسپرەسس» جانە ت.ب. جەكە كلينيكالارىندا ەكپە سالدىرۋعا بولادى.
«بۇگىندە بۇكىل الەم تەك ۆاكسينالانۋدىڭ بارىمىزگە قالىپتى ومىرگە كارانتينسىز ورالۋعا، ەكونوميكانى تۇراقتاندىرۋعا، بالالاردى بالاباقشالار مەن مەكتەپتەرگە، ستۋدەنتتەردى ءدارىس زالدارىنا قايتارۋعا، جالپى وتباسىمەن، دوستارىمەن، ارىپتەستەرىمەن، دوستارىمەن ءقاۋىپسىز قارىم-قاتىناسقا ورالۋعا مۇمكىندىك بەرەتىنىن ءتۇسىندى»، - دەيدى اۋەزوۆ اۋدانىنىڭ اكىمى.
بۇگىندە اۋداندا 96 700 ادام ۆاكسينالاندى، ال جۇقتىرعاندار سانى وسۋدە. زاماناۋي شىندىققا كەلەتىن بولساق، ۆاكسينا سالدىرۋ - كوروناۆيرۋستىق ينفەكسيانىڭ تارالۋىن توقتاتاتىن جانە ونى تومەندەتەتىن جالعىز شارا. ءوزىڭىزدى عانا ەمەس، جاقىندارىڭىزدى دەرتتەن جانە ەڭ قورقىنىشتىسى – قايعىلى جاعدايدان قورعاۋ ءۇشىن ۆاكسينالانۋ قاجەت.