الماتىدا اۋانىڭ لاستانۋى بويىنشا جەكە تۇرعىن ۇيلەردىڭ شىعارىندىلارى - ءۇشىنشى ورىندا. 2021 جىلى لاستاۋشى زاتتار شىعارىندىلارىنىڭ جالپى كولەمى 127 مىڭ توننانى قۇرادى. ونىڭ ىشىندە 70 مىڭ تونناسى - اۆتوكولىكتەن، 46 مىڭ تونناسى – ستاسيونارلىق كوزدەردەن، 11 مىڭ تونناسى - جەكە سەكتوردان، دەپ حابارلايدى اlmaty-akshamy.kz.
الماتىدا جەكە تۇرعىن ءۇي سەكتورىن گازداندىرۋ دەڭگەيى 99،2%-عا جەتتى. 1054 ءۇي گاز جەلىلەرىنە قوسىلماعان، ونىڭ ىشىندە 584 ءۇيدى قوسۋ مۇمكىندىگى بار، ونىڭ ىشىندە حالىقتىڭ الەۋمەتتىك وسال توپتارىنان (ءحاوت) شىققان 152 وتباسى ءۇيى. ماگيسترالدىق جەلىلەردىڭ جوقتىعىنان 470 ءۇيدىڭ گازعا قول جەتىمدىلىگى جوق.
سونىمەن قاتار، اۋە باسسيەنىنىڭ لاستانۋىنا الماتى اگلومەراسياسى دا كەرى اسەرىن تيگىزۋدە. وندا ماگيسترالدىق گاز قۇبىرىنىڭ بولماۋىنا بايلانىستى 82 مىڭعا جۋىق ءۇي گازداندىرىلماعان.
"قازترانسگاز ايماق" اق-نىڭ ("قتگا" اق) 2022-2026 جىلدارعا ارنالعان ينۆەستيسيالىق باعدارلاماسىمەن الماتى اۋماعىندا 23،2 كم تاراتۋشى گاز قۇبىرلارىن سالۋ جوسپارلانعان، بۇل 355 تۇرعىن ءۇيدىڭ جەلىلەرىنە قولجەتىمدىلىكتى قامتاماسىز ەتەدى. الماتى 2023 جىلعا قاراي 99،4%-عا گازداندىرىلادى.
گازداندىرىلماعان ۇيلەردى قوسۋ قولداۋدىڭ ءتۇرلى تەتىكتەرى ارقىلى، سونىڭ ىشىندە دەمەۋشىلەردىڭ قاراجاتىن تارتۋ ەسەبىنەن شەشىلەتىن بولادى.
الماتى اگلومەراسياسىنىڭ ىرگەلەس اۋداندارىندا "قتگا" اق ينۆەستيسيالىق باعدارلاماسىمەن جاقىن ماڭداعى 25 ەلدى مەكەندى ودان ءارى قوسۋ پەرسپەكتيۆاسىمەن گاز قۇبىرلارىن سالۋ كوزدەلگەن.
جالپى الماتى اگلومەراسياسىندا 2025 جىلعا دەيىن 42 مىڭ جەكە ءۇيدى گازداندىرۋ شىعارىندىلاردى جىلىنا 8 مىڭ تونناعا، ال 2030 جىلعا دەيىن قالعان 40 مىڭ ءۇيدى جىلىنا 7،6 مىڭ تونناعا ازايتۋعا مۇمكىندىك بەرەدى.