جاڭا جىل قارساڭىندا الماتىنىڭ ءار اۋدانىندا تانىمال انشىلەردىڭ قاتىسۋىمەن كۇندە كونسەرتتەر ءوتىپ جاتىر. ساعات 18:00-دەن 20:00-گە دەيىن #الماتى2024جىل قىسقى جاڭا جىلدىق فەستيۆال اياسىندا كەنجەبەك ءجانابىلوۆ، ءمولدىر اۋەلبەكوۆا، ءومىرقۇل اينيازوۆ، الىشەر قونىسبايەۆ، رايىم ۋايس، اباي بەگەي، اسحات تارعىن، Altair & Abbi، نۇرمۇحاممەد جاقىپ، مۇحتار حانزادا، نۇرسۇلتان نۇربەردييەۆ، اقبوتا-نۇر، جاندوس قارجاۋباي، جىگەر اۋىپبايەۆ، التىنبەك تاشىمبەتوۆ جانە باسقا دا ارتىستەر ساحنالاردا ونەر كورسەتۋدە، دەپ حابارلايدى almaty-akshamy.kz
فەستيۆال باعدارلاماسىندا اياز اتا مەن اقشاقاردىڭ، سيقىرشىلار مەن انيماتورلاردىڭ قاتىسۋىمەن جارقىن قويىلىمدار بولادى. سونىمەن قاتار كونسەرت ۇيىمداستىرۋشىلارى تەلەفوندار، كولونكالار، قۇلاققاپتار جانە ت.ب. سىيلىقتار ويناتىپ جاتىر. كونكۋرس شارتتارى مەن كونسەرت افيشالارى الماتى قالاسى مادەنيەت باسقارماسىنىڭ Instagram-داعى @almatymadeniet رەسمي پاراقشاسىندا جاريالانعان.
سونىمەن، الاتاۋ اۋدانىنىڭ تۇرعىندارى «الماتى-ارەنا» الاڭىندا ۇيىمداستىرىلعان جاڭا جىلدىق كونسەرتتەردى تاماشالاي الادى. سپورت كەشەنىنىڭ الدىنداعى الاڭ شىرشامەن جانە جاڭا جىلدىق كومپوزيسيالارمەن اسەم بەزەندىرىلگەن. قىزىقتى شوۋ-باعدارلاما حالىققا جاقسى كوڭىل-كۇي سىيلايتىنى ءسوزسىز.
اۋەزوۆ اۋدانىندا ناتاليا ساس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترىنىڭ الدىنداعى الاڭ حالىق جينالاتىن تانىمال دەمالىس الاڭىنا اينالدى. كۇندىز تەاتردا «ەرتەگىلەر الەمىندەگى جاڭا جىلدىق كالەيدوسكوپ» شوۋى ۇسىنىلعان، ال كەشكى ۋاقىتتا مەرەكەلىك كونسەرت تەاتر الدىنداعى اشىق الاڭدا وتەدى.
ال بوستاندىق اۋدانىندا قىسقى جاڭا جىلدىق فەستيۆال «اتاكەنت» الدىنداعى الاڭدا ءوتىپ جاتىر. كونسەرت جۇرگىزۋشىلەرى مەن تانىمال انشىلەر حالىققا جاقسى كوڭىل-كۇي سىيلاپ، ءتۇرلى سىيلىقتار ويناتادى. ايتپاقشى، اۋدان تۇرعىندارى الەۋمەتتىك جەلىلەردە كونسەرتتىك باعدارلامالاردى ءدال وسى جەردە ۇيىمداستىرۋدى سۇراعان بولاتىن.
جەتىسۋ اۋدانىندا نەگىزگى جاڭا جىلدىق ءىس-شارالار اينابۇلاق-2 ش/ا ءوتىپ جاتىر. اۋدانداعى «اربات» كوپتەن بەرى تانىمال دەمالىس ورنىنا اينالعان، ەندى مۇندا اۋدان حالقى ءۇشىن ەسترادا جۇلدىزدارىنىڭ قاتىسۋىمەن كونسەرتتىك باعدارلامالار ۇيىمداستىرىلدى.
تۇركسىب اۋدانىندا مەرەكەلىك كونسەرتتەر سەيفۋللين داڭعىلىنداعى №6 وقۋشىلار ءۇيىنىڭ جانىندا ءوتىپ جاتىر. مۇندا كونسەرتتەن بولەك، انيماتورلاردىڭ قاتىسۋىمەن ءتۇرلى ويىندار، بايقاۋلار ۇيىمداستىرىلعان.
ناۋرىزباي اۋدانىندا كوپشىلىك كونسەرتتى جەرگىلىكتى اكىمدىكتىڭ الدىندا (شۇعىلا ش/ا، 347) تاماشالاي الادى. تانىمال انشىلەر حالىق ءسۇيىپ تىڭدايتىن اندەردى ورىنداسا، كەش جۇرگىزۋشىلەرى مەن ەرتەگى كەيىپكەرلەرى قىزىقتى ويىندار وتكىزىپ جاتىر.
ەستەرىڭىزگە سالا كەتەيىك، مەدەۋ جانە المالى اۋداندارىندا اباي الاڭى (16:00-21:00 ارالىعىندا) مەن استانا الاڭىندا (19:00-20:00 ارالىعىندا) 21 جەلتوقساننان بەرى Nazima، ميراس جۇگىنىسوۆ، MDee، Abdr، Ayau، Dequine، Yenlik، DJSlimKZ، grow kids تەاترى، Galam جانە Ava band LIVE-بەندتەرى، ەركەش حاسەن، ءالي وقاپوۆ، Ayree، D-band، Mercury band، Ademi، Elizat، IL Canto كۆارتەتى جانە KeشYou توبى سىندى تانىمال ارتىستەردىڭ قاتىسۋىمەن كونسەرتتىك باعدارلامالار جالعاسىپ جاتىر. سونداي-اق بالالار ءۇشىن انيماتورلاردىڭ، اياز اتا مەن اقشاقاردىڭ قاتىسۋىمەن ءتۇرلى ويىندار، كاراوكە جانە باسقا دا جارىستار وتۋدە.
ال 31 جەلتوقساندا 20:00-دەن باستاپ 00:00-گە دەيىن استانا الاڭىندا اybekman، ماليكا Yes، ديەتا KZ، Elizat، پارۆيز نازاروۆ، ينديرا ەلەمەس، قايرات قاپانوۆ، رانو ۋماروۆا مەن اسەل تالاسان، ءمادي رىمبايەۆ، Ayafank، نۇرجان كەرمەنبايەۆ، كەشYou توبى، شوقان، لۋينا، Tۇرار، «Alfa» توبى سىندى ەسترادا جۇلدىزدارىنىڭ قاتىسۋىمەن كونسەرت وتەدى. جاڭا جىلدىق شارالار استانا الاڭىنداعى مەرەكەلىك وت شاشۋمەن اياقتالادى.
