حالىقتى الەۋمەتتىك باعدارلانعان ساۋدامەن قامتۋدى كەڭەيتۋ ماقساتىندا «الماتى» اكك قالانىڭ المالى اۋدانىندا ەكىنشى دەمالىس كۇنگى جارمەڭكەنى اشتى، دەپ حابارلايدى aqshamnews.kz
جاڭا ساۋدا الاڭى ءار سەنبى جانە جەكسەنبى كۇندەرى ساعات 09:00-دەن 18:00-گە دەيىن جامبىل مەن اۋەزوۆ كوشەلەرىنىڭ قيىلىسىندا جۇمىس ىستەيدى.
جارمەڭكە اۋماعىندا وتاندىق تاۋار وندىرۋشىلەردىڭ ونىمدەرىن ورتاشا نارىق باعاسىنان تومەن باعامەن ساتۋعا ارنالعان 30 ساۋدا ورنى بار. ساتىپ الۋشىلارعا جاڭا پىسكەن كوكونىستەر، ەت جانە ءسۇت ونىمدەرى، بال، قۇس ەتى، جۇمىرتقا، سونداي-اق باسقا دا ازىق-تۇلىك تاۋارلارى ۇسىنىلادى.
قازىرگى ۋاقىتتا دەمالىس كۇنگى جارمەڭكەلەر مىنا اۋدانداردا وتكىزىلەدى:
• المالى اۋدانى - ماسانچي كوشەسى، گوگول كوشەسى مەن ايتەكە بي كوشەسى اراسىندا؛
• بوستاندىق اۋدانى - قازاقفيلم شاعىناۋدانى، يسينالييەۆ كوشەسى؛
• اۋەزوۆ اۋدانى - وتەگەن باتىر كوشەسى، اباي داڭعىلىنان تومەن؛
• مەدەۋ اۋدانى - مەڭدىقۇلوۆ بۋلۆارى، بەكتۇروۆ كوشەسىنىڭ قيىلىسى؛
• جەتىسۋ اۋدانى - قۇلاگەر شاعىناۋدانى، سەرىكوۆ كوشەسى، 2.
جارمەڭكەلەردە ورتا ەسەپپەن ءبىر دەمالىس كۇندەرى 800 توننادان استام ءونىم ساتىلادى، ال كەلۋشىلەر سانى 50 000 ادامنان اسادى.