الماتىنىڭ الاتاۋ اۋدانىندا وقۋشى ورىندارىنىڭ تاپشىلىعىن قىسقارتۋ ماقساتىندا قالا اكىمىنىڭ تاپسىرماسى بويىنشا ەكى مەكتەپتىڭ قۇرىلىسى جۇرگىزىلۋدە، ول اعىمداعى جىلدىڭ سوڭىنا دەيىن اياقتالادى. ءبىرىنشىسى - 550 ورىندىق «سايالى-2» شاعىناۋدانىندا، ەكىنشىسى- 550 ورىندىق «زەردەلى» شاعىناۋدانىندا.
ايتا كەتەرلىگى، مەكتەپ عيماراتتارى جوعارى، ورتا جانە باستاۋىش سىنىپتاردى وقىتۋعا ارنالعان بولەك وقۋ بلوكتارىنان جانە جالپى اۋماقتاردان تۇرادى. جوبالاردا بىرەگەي ينتەرەر ديزاينى، سپورت الاڭدارى، اسحانالار جانە ت.ب. قاراستىرىلعان.
عيماراتتاردىڭ تەحنيكالىق جاراقتاندىرىلۋى مەن كونفيگۋراسياسى وقۋ باعدارلاماسىن دۇرىس قابىلداۋ ءۇشىن وڭتايلى ينسولياسيانى قامتاماسىز ەتۋگە جانە دەمالىس ايماقتارىن ۇيىمداستىرۋعا مۇمكىندىك بەرەدى. موبيلدىلىگى تومەن توپتار ءۇشىن جوبادا ارنايى ليفتەر قاراستىرىلعان.
اعىمداعى جىلدىڭ 2 توقسانىندا الماتىدا مەملەكەتتىك مەكتەپتەرگە ءۇش قوسالقى نىسان سالۋ جۇمىستارى اياقتالادى. بۇلار - قاجەت ىشكى جانە سىرتقى ينفراقۇرىلىمى بار تولىققاندى عيماراتتار. مىسالى، №59 گيمنازيانىڭ وقۋ عيماراتى 380 ورىنعا ەسەپتەلگەن، ال ونىڭ جانىنان 750 ورىندىق قوسالقى نىسان سالىنۋدا.
سونداي-اق، قالادا 11 مەكتەپ سەيسميكالىق كۇشەيتىلۋدە. بۇگىندە 9 مەكتەپ بويىنشا جۇمىستار اياقتالدى، قالعان ەكەۋىن كۇشەيتۋ اعىمداعى جىلدىڭ ماۋسىم ايىنا دەيىن جوسپارلانۋدا.
ايتا كەتەرلىگى، الماتىدا بارلىعى 215 مەكتەپ جۇمىس ىستەيدى، ونىڭ 30 – ى الاتاۋ اۋدانىندا.
