الماتىدا الاتاۋ اۋدانىنىڭ «سايالى-2» شاعىن اۋدانىندا قالا اكىمى ەربولات دوسايەۆتىڭ تاپسىرماسىمەن مەملەكەتتىك تىلدە وقىتاتىن مەكتەپ پايدالانۋعا بەرىلدى، دەپ حابارلايدى aqshamnews.kz
№212 مەكتەپتىڭ عيماراتى جوعارى، ورتا جانە باستاۋىش سىنىپتى وقىتاتىندىقتان، جەتى بولەك بولىكتەن تۇرادى. مەكتەپتە مۋلتيمەديالىق كابينەت، رەسۋرستىق ورتالىق، مەدياتەكا، وقۋ، سپورت، اكت جانە اسحانا زالدارى قاراستىرىلعان.
سونداي-اق زەرتحاناسى بار جەكە بيولوگيا جانە حيميا كابينەتتەرى بار. اسپازدىق، ماتالاردى وڭدەۋ، مەتالل جانە اعاش وڭدەۋ سياقتى باعىتتار بويىنشا ەڭبەككە باۋلۋ كابينەتتەرى بار. اۋماقتا سپورت جانە ويىن الاڭدارى ۇيىمداستىرىلعان.
جاڭا مەكتەپتى پايدالانۋعا بەرۋ وسى شاعىن اۋداندا ورنالاسقان №180 جانە №204 مەكتەپتىڭ جۇكتەمەسىن ازايتۋعا مۇمكىندىك بەرەدى. ايتا كەتۋ كەرەك، اۋداندا مەكتەپ تاپشىلىعىن ازايتۋ ءۇشىن «زەردەلى» شاعىن اۋدانىندا 550 ورىندىق مەكتەپ سالىنىپ جاتىر.