الماتىنىڭ الاتاۋ اۋدانىنداعى 8 شاعىن اۋدانىندا جاڭا ترانسفورماتورلىق قوسالقى ستانسيالار پايدا بولادى
الاتاۋ اۋدانىن تۇراقتى ەلەكترمەن جابدىقتاۋمەن قامتاماسىز ەتۋ ءۇشىن وتكەن جىلى «اجك» اق 42،4 كم ەلەكتر جەلىلەرىن رەكونسترۋكسيالادى جانە شاڭىراق ش/ا-داعى 12 ترانسفورماتورلىق قوسالقى ستانسيا جوندەلدى. بۇل تۋرالى الماتى قالاسىنىڭ اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى.
2025 جىلى «اجك» اق 11 شاعىن اۋداندا («شاڭىراق-1، 2»، «ايگەرىم-1، 2»، «ۇلجان-1، 2»، «اقبۇلاق»، «العاباس»، «تەرەكتى»، «وجەت» جانە «قاراسۋ»)، سونداي-اق 64 تپ جانە 6 قوسالقى ستانسيانى كۇردەلى جانە اععىمداعى جوندەۋدەن وتكىزۋ جوسپارلانۋدا. ەلەكتر جەلىلەرىن جاڭارتۋ اعىمداعى جوندەۋ اياسىندا 170 كم جانە كۇردەلى جوندەۋ اياسىندا 28،5 كم-دى قامتيدى.
2025 جىلدىڭ سوڭىنا دەيىن 73،5 كم يەسىز ەلەكتر جەلىلەرىن قايتا جاڭارتۋ جانە 8 شاعىن اۋداندا (العاباس، تەرەكتى، شاڭىراق، ۇلجان، 14ء-شى اۋماق، وجەت، سامعاۋ جانە شاپاعات) 33 تپ ورناتۋ اياقتالادى.
ەربولات دوسايەۆتىڭ ايتۋىنشا، اۋداندا ساپالى سىرتقى جارىقتاندىرۋمەن قامتاماسىز ەتۋ بويىنشا بەلسەندى جۇمىستار جۇرگىزىلۋدە. ماسەلەن، 2024 جىلى 55 كوشەدە 16 كم كابەل جەلىلەرى مەن 600 كوشە شامدارى اۋىستىرىلدى.
«2025 جىلدىڭ مامىر ايىندا ءبىز الاتاۋ اۋدانىنىڭ 255 كوشەسى مەن قوعامدىق ورىندارىن جارىقتاندىرۋ بويىنشا اۋقىمدى جوبانى ىسكە اسىرۋعا كىرىسەمىز. جۇمىس اياسىندا 2،9 مىڭ تىرەك پەن 3،5 مىڭ شام ورناتىلادى»، - دەدى اكىم.
ايتا كەتەيىك، قالادا ينجەنەرلىك جەلىلەردى جاڭعىرتۋ جانە رەكونسترۋكسيالاۋ بويىنشا كەشەندى شارالار بەلسەندى قابىلدانۋدا. وسىلايشا، قابىلدانىپ جاتقان شارالار 2025 جىلى ەلەكترمەن جابدىقتاۋ جەلىلەرىنىڭ توزۋىن 63،3% - عا دەيىن تومەندەتۋگە مۇمكىندىك بەرەدى.