ءاسانالى ءاشىموۆ باستاعان تەاتر ۇجىمى قىركۇيەكتىڭ 23-28 ارالىعىندا اقمولالىقتارعا ەڭ ۇزدىك سپەكتاكلدەرىن ۇسىندى.
مۇحتار اۋەزوۆ اتىنداعى قازاق ۇلتتىق تەاترى ۇجىمىنىڭ اقمولا وبلىسىنداعى گاسترولدىك ساپارى مارەسىنە جەتتى، دەپ حابارلايدى Almaty-akshamy.kz
تەاتر فەستيۆالىنىڭ شىمىلدىعى جازۋشى، دراماتۋرگ، مەملەكەتتىك سىيلىقتىڭ لاۋرەاتى دۋلات يسابەكوۆتىڭ «جاۋجۇرەك» دراماسىمەن اشىلعان. كارتينا بەلگىلى انشى-كومپوزيتور، سەرى، بالۋان شولاقتىڭ ءومىرى مەن شىعارماشىلىعىنا ارنالعان. كەلەسى كۇندەرى جازۋشى، دراماتۋرگ، مەملەكەتتىك سىيلىقتىڭ لاۋرەاتى تىنىمباي نۇرماعانبەتوۆتىڭ «بەس بويداققا ءبىر توي» كومەدياسى، دراماتۋرگ الەكساندر ءۆولوديننىڭ «قوشتاسقىم كەلمەيدى» دراماسى، اقىن، دراماتۋرگ يسرايل ساپاربايدىڭ «سىعان سەرەناداسى» ميۋزيكلى، جازۋشى، دراماتۋرگ، مەملەكەتتىك سىيلىقتىڭ لاۋرەاتى دۋلات يسابەكوۆتىڭ «ءجۇز جىلدىق ماحاببات» دراماسى كورسەتىلدى. سوڭعى كۇنى ابايدىڭ قارا سوزدەرى بويىنشا «قارا» دراماسىمەن مارەسىنە جەتتى.