فۋنكسيالاردى ورتالىقسىزداندىرۋدى ەسكەرە وتىرىپ، الماتى قالاسىنىڭ 8 اۋدانىنىڭ بيۋدجەتى 2022 جىلعا قاراي 6 ەسە وسىممەن 295 ملرد تەڭگە سوماسىندا بەكىتىلدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگ بارىسىندا مەگاپوليس اكىمى ەربولات دوسايەۆ مالىمدەدى، دەپ حابارلايدى aqshamnews.kz
«2023 جىلدىڭ ءساۋىر ايىندا وتكىزىلگەن وكىلەتتىكتەردى ورتالىقسىزداندىرۋ اۋدان اكىمدەرىنىڭ جاۋاپكەرشىلىگىن كۇشەيتىپ،ڭ وزەكتى ماسەلەلەرى مەن پروبلەمالاردى جەدەل شەشۋدەگى جۇمىس تيىمدىلىگىن ارتتىردى»، - دەپ اتاپ ءوتتى قالا باسشىسى.
ەستەرىڭىزگە سالا كەتەيىك، مەملەكەتتىك باسقارۋدى ورتالىقسىزداندىرۋ 2023 جىلى جۇزەگە اسىرىلدى. ماسەلەن، وتكەن جىلدىڭ 1 ساۋىرىنەن باستاپ ءبىرىنشى كەزەڭدە قالالىق دەڭگەيدەن اۋداندىق دەڭگەيگە 15 فۋنكسيا بەرىلدى: جولداردى اعىمداعى جوندەۋ، ينجەنەرلىك جەلىلەردى سالۋ جانە جاڭعىرتۋ، حالىقتىڭ الەۋمەتتىك وسال توپتارىنا قولداۋ كورسەتۋ، قوسىمشا جانە مەكتەپكە دەيىنگى ءبىلىم بەرۋدى جان باسىنا شاققانداعى قارجىلاندىرۋ جانە باسقالار. بۇل قادام اۋدان اكىمدىكتەرى جۇمىسىنىڭ تيىمدىلىگىن ەداۋىر جاقسارتتى جانە وكىلەتتىكتەردى بەرۋ،جاۋاپكەرشىلىكتى كۇشەيتۋ ارقاسىندا قالا تۇرعىندارىنىڭ ماڭىزدى ماسەلەلەرى جەدەل شەشىلەتىن بولدى.