الماتى مەكتەپتەرىندە بالالاردى قورعاۋ: بارلىق مەكتەپتەر مەن بالاباقشالاردا كەشەندى قاۋىپسىزدىك جۇيەسى ەنگىزىلدى
الماتىدا قالا اكىمى ەربولات دوسايەۆتىڭ تاپسىرماسى بويىنشا مەملەكەتتىك ورتا جانە مەكتەپكە دەيىنگى ءبىلىم بەرۋ ۇيىمدارىندا «كەشەندى قاۋىپسىزدىك جۇيەسى» جوباسى ىسكە اسىرىلۋدا. قاۋىپسىزدىكتى قامتاماسىز ەتۋ بويىنشا ءجۇز پايىز جۇمىس جۇرگىزىلدى، دەپ حابارلايدى almaty-akshamy.kz
كەشەندى قاۋىپسىزدىك جۇيەسى تاۋلىك بويى كۇزەتتى قامتاماسىز ەتەدى ءارى عيماراتتىڭ ىشىندە ورنالاسقان. قاۋىپسىزدىك جۇيەسى پوليسيا دەپارتامەنتىنە دابىل ارقىلى ستاسيونارلىق جەدەل ارەكەت ەتەتىن دابىل تۇيمەسىمەن تولىقتىرىلعان. قانداي دا ءبىر وقيعا نەمەسە توتەنشە جاعداي تۋىنداعان جاعدايدا جەدەل توپ كەلەدى.
ورناتىلعان ۆيدەوكامەرالاردان دابىل تىكەلەي پوليسيا دەپارتامەنتىنىڭ جەدەل ورتالىعىنا تۇسەدى. ءبىلىم بەرۋ وبەكتىلەرىنىڭ بۇكىل اۋماعى تاۋلىك بويى پەريمەترى بويىنشا قارالادى. بەينەباقىلاۋ كامەرالارىنداعى ماتەريالدار 30 تاۋلىككە ساقتالادى. سونداي-اق ارنايى كابينەتتەردە جانە كىتاپحانادا كۇزەت دابىلى قاراستىرىلعان، بۇل جۇيە ەسەپتەلگەن جانە ءورت قاۋىپسىزدىگى جۇيەسىمەن بايلانىستى، كۇزەت دابىلى ىسكە قوسىلادى (قاتتى شۋ، ەسىكتەر نەمەسە تەرەزەلەر اشىلعان كەزدە، قوزعالىس كەزىندە نەمەسە اينەك سىنعان كەزدە).
قازىرگى ۋاقىتتا الماتى قالاسىندا 459 مەملەكەتتىك ۇيىمداردا جانە قالانىڭ بارلىق ۆەدومستۆولىق باعىنىستى مەملەكەتتىك ءبىلىم بەرۋ ۇيىمدارىندا مامانداندىرىلعان كۇزەت جانە بەينەباقىلاۋ جۇيەسى بار.
بۇگىن قالادا 186 بالاباقشاعا جابدىقتار ورناتۋ جۇمىستارى جۇرگىزىلدى. اتاپ ايتقاندا، 8638 بەينەباقىلاۋ جۇيەسى ورناتىلدى، ونىڭ ىشىندە 7062 - ىشكى، 1576 – سىرتقى. سونداي-اق، بارلىق بالاباقشالار الماتى قالاسى پوليسيا دەپارتامەنتىنىڭ جەدەل باسقارۋ ورتالىعىنا (جبو) سيگنال بەرۋ مۇمكىندىگى بار ورتكە قارسى قاۋىپسىزدىك جۇيەسىمەن جابدىقتالعان. مەملەكەتتىك مەنشىك نىسانىنداعى مەكتەپكە دەيىنگى ءبىلىم بەرۋ ۇيىمدارىن باقىلاۋ جۇيەلەرىمەن (دوموفوندارمەن)، بەينەباقىلاۋ كامەرالارىمەن، دابىل تۇيمەلەرىمەن جانە ورتكە قارسى قاۋىپسىزدىكتىڭ كەشەندى جۇيەلەرىمەن جاراقتاندىرۋ جۇمىستارى ورىندالدى.
2023 جىلدىڭ جەلتوقسان ايىنىڭ باسىنان باستاپ مەكتەپتەردە بارلىق بەينەباقىلاۋ كامەرالارىن، جبو- نا قوسىلعان دابىل تۇيمەلەرىن جاڭارتۋ جۇمىستارى باستالدى. قازىرگى ۋاقىتتا 205 مەكتەپ پەن 10 ينتەرنات قاۋىپسىزدىك جۇيەسىمەن قامتاماسىز ەتىلگەن. ناتيجەسىندە 215 ۇيىمدا 11 831 بەينەباقىلاۋ كامەراسى، 215 دابىل تۇيمەسى، بەتتى تانۋ مۇمكىندىگى بار 416 تۋرنيكەت ورناتىلدى.
قاۋىپسىزدىك جۇيەلەرىمەن قالانىڭ كوللەدجدەرى دە جابدىقتالعان. ماسەلەن، 20 كوللەدجدە 1503 بەينەباقىلاۋ جۇيەسى ورناتىلعان. ونىڭ ىشىندە: 1064-ىشكى، 439-سىرتقى. بۇل رەتتە 126 كامەرا الماتى ق. پد جبو-عا قوسىلعان. سونداي-اق، دابىل تۇيمەلەرى مەن تۋرنيكەتتەر ورناتىلعان جانە بارلىق 20 كوللەدجگە مامانداندىرىلعان كۇزەت قىزمەت كورسەتەدى.
سونداي-اق، 17 مەكتەپتەن تىس مەكەمەدە 436 بەينەباقىلاۋ جۇيەسى ورناتىلعان. ونىڭ ىشىندە 233 كامەرا الماتى ق.پد جبو-عا قوسىلعان. مەكتەپتەن تىس 7 مەكەمەدە 25 دابىل تۇيمەلەرى مەن تۋرنيكەتتەر ورناتىلدى. بارلىق 17 مەكتەپتەن تىس مەكەمەگە مامانداندىرىلعان كۇزەت قىزمەت كورسەتەدى.
بيىل كۇردەلى جوندەۋ جۇمىستارى اياقتالعاننان كەيىن مەكتەپتەر مەن بالاباقشالاردى قاۋىپسىزدىك جۇيەلەرىمەن قايتا جاراقتاندىرۋ جوسپارلانۋدا.