الاتاۋ اۋدانىندا ينجەنەرلىك جەلىلەردى دامىتۋ بويىنشا اۋقىمدى جوبالار باستالدى.
الماتىنىڭ الاتاۋ اۋدانىنداعى 11 شاعىن اۋداندا ينجەنەرلىك جەلىلەردى دامىتۋ اياسىندا بيىل ءبىرتالاي جوبا جوسپارلانعان.
ءقازىر ولاردىڭ ءبىرازىندا قۇرىلىس-مونتاج جۇمىستارى باستالدى. العاباس شاعىن اۋدانىندا سۋ قۇبىرى مەن كارىزدى توسەۋدىڭ 3 كەزەڭى باستالدى، بۇل 584 تۇرعىن ۇيدە 4 مىڭعا جۋىق ادامدى قامتاماسىز ەتۋگە مۇمكىندىك بەرەدى. سونىمەن قاتار، ول اياقتالعاننان كەيىن قوجابەكوۆ پەن ف.وڭعارسىنوۆا كوشەلەرىنە اسفالت توسەۋ جوسپارلانىپ وتىر.
«شاپاعات» شاعىن اۋدانىندا 2،5 مىڭعا جۋىق ادامدى سۋمەن جابدىقتاۋ جانە كارىز جۇيەسىمەن قامتاماسىز ەتۋ ماقساتىندا 449 تۇرعىن ۇيدە جوبانىڭ 2ء-شى كەزەگىندەگى قۇرىلىس-مونتاج جۇمىستارى جۇرگىزىلۋدە.
«راحات-مادەنيەت» شاعىن اۋدانىندا جۇمىستى اياقتاۋ 2025 جىلعا جوسپارلانعان، بۇل 2882 تۇرعىن ۇيدە 14 مىڭنان استام ادامدى قامتاماسىز ەتۋگە مۇمكىندىك بەرەدى.
بارلىعى 20 500-گە جۋىق تۇرعىنى بار ءۇش شاعىن اۋداندا 3915 جەكە ءۇي جەلىگە قوسىلادى. سۋ قۇبىرى جەلىسىنىڭ جالپى ۇزىندىعى 103،2 كم، كارىز جەلىسىنىڭ جالپى ۇزىندىعى 121،0 كم.