ءبىلىم باسقارماسى ارنايى باعدارلاما ازىرلەگەن.
بيىل الماتىدا 1-4 سىنىپ وقۋشىلارىنىڭ اتا-انالارى بالاسىن دەمالىسقا قايدا جىبەرەمىن دەپ ۋايىمداعان جوق. ءبىلىم باسقارماسىندا مەكتەپ جانىنداعى لاگەرلەردىڭ جۇمىسى قاراستىرىلدى. ولار تۋرالى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا وكق بريفينگى بارىسىندا ايتىپ بەردى، دەپ حابارلايدى Almaty-akshamy.kz.
جازعى دەمالىستى قالاداعى 183 مەكتەپتىڭ جانىنداعى لاگەرلەردە جارتى كۇن وتكىزۋگە بولادى. سونىمەن قاتار، دەمالىس قالا سىرتىنداعى بالالار ساۋىقتىرۋ لاگەرلەرىندە جۇزەگە اسىرىلادى.
ماسەلەن، 1-21 ماۋسىم ارالىعىندا المالى جانە مەدەۋ اۋداندارىندا تۇراتىن 1030 بالا «سپۋتنيك» بالالار ساۋىقتىرۋ ورتالىعىندا دەمالدى. «گاۋھارتاۋ» ساۋىقتىرۋ كەشەنىنە جەتىسۋ مەن ناۋرىزباي اۋداندارىنان تاعى 180 بالا كەلدى.
«جانۇيا» مامانداندىرىلعان كەشەنىندە تاربيەلەنىپ جاتقان 90-نان استام جەتىم جانە اتا-اناسىنىڭ قامقورلىعىنسىز قالعان بالالار ءبىر اي بويى وقۋشىلار سارايىنىڭ «ورنەك» جازعى لاگەرىندە دەمالدى. تامىز ايىندا الماتى SOS بالالار اۋىلىنىڭ 43 تاربيەلەنۋشىسى «سپۋتنيك» بالالار ساۋىقتىرۋ ورتالىعىندا دەمالادى، - دەدى ءلاززات جىلقىبايەۆا.
ءبىلىم باسقارماسى ارنايى باعدارلاما ازىرلەپ، الماتىلىق مەكتەپ وقۋشىلارى ءۇشىن ءتۇرلى ويىندار، قىزىقتى ءىس-شارالار ۇيىمداستىرىلدى.