بۇگىنگى كۇن الماتى شاھارى ءۇشىن قايعىلى جاڭالىقپەن باستالدى. وسى جانە باسقا دا Almaty-akshamy.kz لەنتاسىندا جارىق كورگەن جاڭالىقتارعا شولۋ – كۇن كەرۋەنى
لايدان بولدى اجالى
بۇگىن الماتىنىڭ تاڭى كۇڭىرەنىپ اتتى. اي مەن كۇننىڭ امانىندا ءبىر ءۇيلى وتباسى لاي كوشكىنىنىڭ استىندا قالىپ، وپات بولدى. قالا باسشىسى ەربولات دوسايەۆ لاي كوشكىنىنە بايلانىستى كوشپەلى كەڭەس وتكىزدى.
«باستى باسىمدىق - ىزدەۋ-قۇتقارۋ جۇمىستارى. الدىن الا اقپارات بويىنشا ۇيدە تۇراتىن ادامداردى ىزدەۋ بويىنشا بارلىق جۇمىلدىرۋ توپتارىنىڭ جۇمىسىن ۇزدىكسىز قامتاماسىز ەتۋ قاجەت»، - دەدى ەربولات دوسايەۆ.
تابيعي اپات مەدەۋ اۋدانىنىڭ «تاۋ سامالى» شاعىن اۋدانىنداعى وليمپييسكايا كوشەسى بويىندا تەحنوگەندىك سيپاتتاعى توپىراقتىڭ لايلانۋى سالدارىنان بولعان.
لاي كوشكىنىنەن ەكى تۇرعىن ءۇي زاقىمداندى
زارداپ شەككەن ۇيدە ءتورت ادام بولعان، ەكەۋى بالا. وقيعا ورنىندا "قازسسەلدەنقورعاۋ" مم، الماتى قالاسى "109 قۇتقارۋ قىزمەتى" رەسپۋبليكالىق جەدەل-قۇتقارۋ جاساعى، الماتى قالاسى تجد، جەدەل جاردەم بريگاداسى، مەدەۋ اۋدانى اكىمدىگىنەن 160 ادام جانە 30 بىرلىك تەحنيكا جۇمىس ىستەدى.
شاھار باسشىسىنىڭ شاراپاتى
ەربولات دوسايەۆ لاي كوشكىنى سالدارىنان قازا تاپقانداردىڭ تۋىستارى مەن جاقىندارىنا كوڭىل ايتتى. الماتى اكىمىنىڭ تاپسىرماسى بويىنشا وتباسىنىڭ بارلىق مۇشەلەرىن جەرلەۋدى ۇيىمداستىرۋ ءۇشىن كومەك كورسەتىلەدى. وپات بولعان وتباسىنىڭ شەتەلدە وقيتىن ۇلكەن ۇلىنا ءبىلىم الۋعا جانە ەلىمىزگە كەلگەن سوڭ ءومىر سۇرۋىنە ماتەريالدىق قولداۋ كورسەتىلەتىن بولادى.
ەۋروحاتتاما ىسكە قوسىلدى
ول ۇساق جول-كولىك وقيعالارىن “جەڭىلدەتىلگەن تىركەۋدى” جۇزەگە اسىرۋ اياسىندا جۇرگىزۋشىلەرگە ىڭعايلى بولۋ ءۇشىن جاسالعان.
ەۋروحاتتاما” ارنايى ءموبيلدى قوسىمشاسى ارقىلى قولدانۋشىلار ساقتاندىرۋ ۇيىمىنا ونلاين ءوتىنىش بەرە الادى، بيومەتريالىق سايكەستەندىرۋدەن ءوتىپ، سيفرلىق قۇجاتتاردى، فوتو جانە بەينەماتەريالداردى قوسا الادى، سونىڭ نەگىزىندە ساقتاندىرۋ ۇيىمدار جابىرلەنۋشىنىڭ بانكتىك شوتىنا تولەم جاسايدى. بۇل پروسەدۋرا جول-كولىك وقيعاسىنا قاتىسۋشىلاردىڭ سانى 2-دەن اسپاسا، كەلتىرىلگەن زالال مولشەرى 100 اەك-تەن اسپاسا، ءۇشىنشى تۇلعالاردىڭ دەنساۋلىعى مەن مۇلكىنە زيانى بولماسا، ەكى قاتىسۋشىنىڭ دا اۆتوكولىكتى مىندەتتى ساقتاندىرۋ ءپوليسى بولسا، وسى ءتارتىپتى قولدانۋعا بولادى. سونداي-اق ەكى جاقتىڭ كەلىسىمىمەن، بىرەۋى كىناسىن مويىنداعان جاعدايدا. ءوز كەزەگىندە بۇل ءتارتىپتى پايدالانعان تۇلعالار جكو جاساعانى ءۇشىن اكىمشىلىك جاۋاپكەرشىلىكتەن بوساتىلادى.
الييەۆتىڭ ءادىل جەڭدى مە؟
7 اقپاندا ءازىربايجاندا پرەزيدەنت سايلاۋى ءوتتى. سايلاۋدا يلحام الييەۆتىڭ جەڭىسكە جەتەتىنىنە ەشكىم كۇمان كەلتىرمەگەن. ورتالىق سايلاۋ كوميسسياسىنىڭ الدىن الا ەسەبى بويىنشا الييەۆ 92،1% داۋىس جيناعان. سايلاۋدىڭ سوڭعى قورىتىندىسى شىقپاعاننىڭ وزىندە قازىرگى پرەزيدەنتتىڭ جەڭىسكە جەتەتىنى بارىنە بەلگىلى.
يلحام الييەۆ قالاي جەڭىسكە جەتتى؟ وعان تاۋلى قاراباقتى ەلگە قايتارۋ ساياساتى اسەر ەتتى. سەبەبى تاريحي ادىلدىكتى قالپىنا كەلتىرۋ، حالىقتىڭ سانا-سەزىمىن وياتۋ سياقتى ارەكەتتەر عانا قاتارىنان بەسىنشى رەت جەڭىسكە جەتۋگە مۇمكىندىك بەرەدى.
توقايەۆ تەلەفون شالدى
قازاقستان مەن ازەربايجان پرەزيدەنتتەرى تەلەفون ارقىلى سويلەستى
قاسىم-جومارت توقايەۆ يلحام الييەۆتى ازەربايجان رەسپۋبليكاسىنىڭ پرەزيدەنتى لاۋازىمىنا كەزەكتەن تىس وتكەن سايلاۋداعى ايقىن جەڭىسىمەن قۇتتىقتادى.
قاسىم-جومارت توقايەۆ يلحام الييەۆتىڭ ازەربايجان حالقىنىڭ يگىلىگى مەن دامۋى ءۇشىن قولعا العان بارلىق جوسپارىنىڭ تابىستى ورىندالۋىنا تىلەكتەستىك ءبىلدىردى.
قورعايدى دەسە قورلاي ما؟
ق ر ىشكى ىستەر ءمينيسترىنىڭ ورىنباسارى يگور لەپەحا قىز زورلادى دەگەن كۇدىكپەن قاماۋعا الىنعان تالدىقورعان پوليسيا باسقارماسىنىڭ باستىعىنا قاتىستى قوزعالعان ءىس بويىنشا پىكىر ءبىلدىردى. ەندى پوليسياداعى ورتا جاستاعى باسشىلار جاپپاي تەكسەرىلەدى.
«جەكە قۇرام اراسىندا ءتارتىپتى كۇشەيتۋ شارالارى ۇنەمى قولدانىلىپ كەلەدى. سونىڭ ءبىرى – اتتەستاسيا. جەكە قۇراممەن جۇمىس ىستەۋگە ءبىرىنشى كەزەكتە جاۋاپتى ورتا بۋىن باسشىلارىن تەكسەرىپ، اتتەستاسيادان وتكىزىپ، تالاپقا ساي كەلمەيتىندەرىن شىعارامىز. ەگەر پوليسەيلەر زاڭسىز ارەكەتتەرگە بارىپ جاتسا، وندا وزىندىك قاۋىپسىزدىك قىزمەتى مەن كادرلىق بولىمشەلەر قىزمەتكەرلەرى وسى ادامداردى ەرتەرەك انىقتاماعانى ءۇشىن جاۋاپ بەرەدى»، - دەدى ءمينيستردىڭ ورىنباسارى.
ءتورت ساعاتتىق تەست
بۇعان قوسا ەرەكشە ءبىلىم بەرۋ قاجەتتىلىكتەرى بار تالاپكەرلەر ءۇشىن قوسىمشا 40 مينۋت ۋاقىت بەرىلەدى.
«تەستىلەۋ كەزىندە تالاپكەرلەرگە بىرنەشە ءۇزىلىس بەرىلەدى. تەستىلەۋدىڭ 60 مينۋتى وتكەننەن كەيىن 2 مينۋت، 120 مينۋتتان كەيىن 3 مينۋت جانە 180 مينۋتتان كەيىن 3 مينۋت كولەمىندە ءۇزىلىس بەرىلەدى. بۇل ۋاقىتتا تەستكە قاتىسۋشىلار جاتتىعۋ جاساپ، سۋ ءىشىپ، وزدەرىمەن بىرگە الىپ كەلگەن شوكولادتى جەي الادى»، - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.