الماتىلىقتاردىڭ باسىم كوپشىلىگى - بورىشكەر

جەكە تۇلعانىڭ بانكروتتىعى تۋرالى زاڭناما دايىندالعاننان باستاپ قارجى مينيسترلىگىنىڭ قىزمەتكەرلەرى وڭىرلەردى ارالاپ، ەڭ كوپ بورىشكەرلەرى بار ايماقتاردا ءتۇسىندىرۋ جۇمىستارى جۇرگىزىلدى.  بۇل تۋرالى ورتالىق كوممۋنيكاسيالار قىزمەتى الاڭىندا وتكەن ساراپتامالىق كەزدەسۋدە ق ر قارجى ۆيسە-مينيسترى ەرجان ءبىرجانوۆ مالىمدەدى، دەپ حابارلايدى اlmaty-akshamy.kz اzattyg Ruhy-نا سىلتەمە جاساپ.  

سپيكەردىڭ ايتۋىنشا، بورىشكەرلەر كوپ ورنالاسقان ايماقتارعا الماتى قالاسى، الماتى وبلىسى، استانا قالاسى، تۇركىستان وبلىسى جانە شقو كىرەدى. ونىڭ ىشىندە بورىشكەرلەردىڭ 1/5ء-ى الماتى قالاسىندا شوعىرلانعان.

«زاڭنامانى ءتۇسىندىرۋ جۇمىستارىن وسى وڭىرلەردەن باستاپ، ازاماتتارمەن كەزدەستىك. زاڭنىڭ ءار تەتىگىن تۇسىندىردىك. كەلىپ تۇسكەن ۇسىنىستاردىڭ كوبى قۇجاتتى دايىنداۋ بارىسىندا ەسكەرىلدى. قازىرگى تاڭدا زاڭناما كۇشىنە ەنسە دە، ىسكە اسىرۋعا بايلانىستى ءالى دە كوپ سۇراق تۋىنداپ جاتىر. ايتا كەتەيىك، زاڭناما ماسەلەنى تولىقتاي شەشپەيدى. زاڭناما قۇرال رەتىندە قابىلداندى. ول پاناسەيا ەمەس»، - دەدى سپيكەر. 

ونىڭ مالىمەتىنشە، جىل باسىنان بەرى ءتۇسىندىرۋ جۇمىستارى اياسىندا 15 مىڭنان استام ادام ءتۇرلى سۇراقپەن جۇگىندى.

«شارالاردى جۇزەگە اسىرۋ بارىسىندا زاڭعا ەنگىزۋگە بولاتىن كەيبىر جاقسى ۇسىنىستار بولۋى مۇمكىن. بورىشكەرلەر بۇل پروسەدۋرانى ەش كەدەرگىسىز، قيىندىقسىز پايدالانۋى ءۇشىن حالىقتىڭ پىكىرىن ەسكەرەتىن بولامىز»، – دەدى ە.ءبىرجانوۆ.