الماتىلىقتار تاعى دا الاياقتاردىڭ قۇرىعىنا ءتۇستى

ارنايى جابدىقتى ارزان باعادا الماق بولعان الماتىلىقتار الاياققا الدانىپ قالدى.

مەدەۋ اۋداندىق پوليسيا باسقارماسىندا ق ر قك-نىڭ 190-بابى 4-بولىگىنىڭ 2-تارماعى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە 55 جاستاعى ك. ەسىمدى ازاماتشاعا قاتىستى قىلمىستىق ءىس تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

"ارنايى جابدىقتى ارزان باعاعا ساتىپ العىسى كەلەتىندەردىڭ بار ەكەنىن ءبىلىپ، پايداكۇنەمدىك ماقساتپەن، الاياقتىق جولمەن اقشالارىن تارتىپ الۋدى كوزدەپ، قىلمىستىق جوسپار قۇرىپ، سوعان سايكەس حالىق اراسىندا شارت جاساۋ ارقىلى ارنايى جابدىقتى بەرەمىن دەپ جالعان اقپارات تاراتقان. سونىمەن قاتار، ارنايى جابدىقتى بەرگەنى ءۇشىن الدىن الا تولەمنىڭ 20 پايىزىن تالاپ ەتكەن. شىن مانىندە، ايەلدىڭ ارنايى جابدىقپەن قامتاماسىز ەتۋگە ناقتى مۇمكىندىگى بولمادى، ول وسىلايشا الەۋەتتى تۇتىنۋشىلاردى ادەيى اداستىردى. اقشانى العاننان كەيىن ك. ەسىمدى ازاماتشا جاسىرىنىپ قالعان"، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.

قازىرگى ۋاقىتتا ك. ەسىمدى ازاماتشانىڭ جالپى الماتى قالاسى بويىنشا وسىعان ۇقساس بۇرىن جاسالعان قىلمىستارعا قاتىسى بار-جوعى تەكسەرىلۋدە. وسى ادامنىڭ قىلمىستىق ارەكەتىنەن زارداپ شەككەن ازاماتتار مەدەۋ اۋداندىق پب-عا مىنا تەلەفون نومىرلەرى ارقىلى: 8 (727) 254-48-02؛  8-702-476-66-60 بايلانىسقا شىعا الادى.